Sispony ye un lugar d'o Prencipau d'Andorra situau en a parroquia de La Massana. Sispony en Gran Enciclopedia Catalana. En l'anyo 2017 teneba 872 habitants. Población por lugar. Departamento d'Estatistica d'Andorra.
Cheografía O lugar de Sispony ye situau a o sud d'a parroquia de La Massana en un semontano que domina a marguin dreita d'a Valira del Nord. A o sud-ueste s'ubre una estreita val orientada enta l'ueste y que aduga enta Cortals de Sispony (1.644 m) y a sierra d'Enclar, puesto pinturesco a on s'alufra una polida anvista y punto de salida pa diferents rotas de montanya Mapa « Muntanyes d'Andorra » - Mapa d'as montanyas andorranas editau por o Gubierno d'Andorra En a suya redolada se troban tamién a collada de Muntaner (2.078 m), en a muga, a o costau d'o pico d'Enclar (2.388 m), que domina o lugar urchelenco d'Ós de Civís. Tamien se puet fer a puyada a o pico de Carroi (2.334 m) con sobrebuenas vistas sobre a val y dica Andorra la Viella.
O lugar ye connectau por a carretera CS-320 que s'enlaza con a carretera CG-3. Sispony se troba asinas a nomás 5 km d'a capital Andorra la Viella y a dos de La MassanaGoogle Maps. Dende astí se puet arribar tamién dica os lugars d'Escàs y Els Plans. O GRP, sendero de gran recorriu que forma un cerclo con una largaria de 120 km GRP. Visitandorra.com, pasa tamién por o lugar de Sispony.
Molimentos En a carrera Mayor se troba a Casa Rull, una casa d'o sieglo XVII transformada actualment en museu d'una casa y familia típica andorrana d'o sieglo XIX y primerías d'o sieglo XX. Museus d'Andorra. Portal Turístic d'Andorra. Andorra Turisme. Ista casa estió una d'as casas mas ricas d'a parroquia de la Massana. En as sociedaz tradicionals pirenencas, com l'andorrana, as casas lo son tot, replegan o concepto de familia y patrimonio y se converten en os elementos prencipals d'a organización social. O museu amuestra a forma de vida d'una familia pudient d'a epoca.
A ilesia, adedicada a Sant Chuan, fue esviellada fa pocos anyos y ye d'o sieglo XVII. Conserva un poliu retablo barroco.
Fiestas Sispony celebra a suya fiesta mayor por Sant Chuan.
Referencias
Categoría:Localidaz d'Andorra