L'eutanasia (d'o latín euthanasia y griego antiguo /εὐθανασία/euthanasía/, con o significau de "buena muerte" u "muerte afable") ye una intervención deliberada pa meter fin a una vida sin perspectiva de cura u millora. La eutanasia se puede practicar tanto en humans, como en animals.
En medicina l'eutanasia ye la provocación intencionada y consentida d'a muerte d'una persona que padeixe una malotía u una lesión corporal grieu y incurable, la cual ye realizada per un medico; en animals ye igual pero practicada per un albeitar. En os países an ye legalizada la suya practica, l'eutanasia se realiza a petición reiterada d'o pacient y con a supervisión d'un equipo medico. Lo procedimiento ye libre, autonomo, voluntario, intencionau, reflexionau y conscient y, en o caso que esta circumstancia no sía posible, cuan lo testamento vital d'o pacient l'indique explicitament y clara. L'eutanasia realizada per un medico ye legal en Países Baixos, Belchica, Luxemburgo, Canadá, Colombia, Ecuador, Espanya, Francia, Nueva Zelanda, Portugal, Uruguai, Jèrri y Australia.
Lo suyo antonimo ye la distanasia, que ye la prolongación d'a vida y de l'agonía d'un pacient medicament de traza inútil sin perspectiva de cura u millora.
Controversias Historicament existen opinions a favor y en contra confrontadas con argumentacions medicas, filosoficas, eticas, morals y relichiosas.
Vinclos externos
Categoría:Muerte Categoría:Terminolochía medica