En bella luengas indoeuropeas como o latín bi ha un chenero neutro pa nocions abstractas u impersonals. En cualques luengas neolatinas o neutro ha desapareixiu quedando-ne restos, pero en atras como o rumano se conserva.
Chenero neutro en latín En latín bi ha neutros en diferents declinacions. En a declinación consonantica bi ha palabras neutras con temas en -s (corpus, pectus y tempus), en -en (nomen, lumen, ligamen, examen, gramen, semen), en -r u -re (cor, ruber, mare), en -l (mel, fel), -t (caput) y -c (lac).
Chenero neutro en rumano Entre as luengas neolatinas, o rumano conserva o chenero neutro latín pero d'una forma que en singular pareixe masculín y en plural pareixe femenino. O plural d'as palabras neutras se fa con as desinencias -e, -uri u -i. José Damián González-Barros: Esquemas de rumano Centro de lingüistica aplicada Atenea, 2004.
S'anyade -e en os terminaus en: -ar, -er, -ent, -ment, -aj, -ăt, -et, -ism, consonant+ru, -or, -sor y -tor, y estas zagueras terminacions esdevinenen -oare por a declinación interna tipica d'o rumano.
Singular Plural -ar dicționar dicționare -er frigider frigidere -ent sentiment sentimente -aj etaj etaje -et sunet sunete -ism silogism silogisme consonant + -ru teatru teatre -or covor covoare -sor ascensor ascensoare -tor tractor tractoare
S'anyade -uri en os terminaus en -o, ó, -ou, -ú, consonant + lu, supins y monosilabos:
Singular Plural -o radio radiouri -ó apropo apropouri -ou cazinou cazinouri -ú atu atuuri consonant + -lu titlu titluri supins cules culesuri monosilabos loc locuri
S'anyade -i en a mes gran part d'o terminaus en -iu, y por eixemplo exercițiu y acvariu fan plurals en exerciții y acvarii, pero bi ha muitas excepcions.
Restos de chenero neutro en catalán En catalán existe o pronombre personal neutro ho, que tamién existe en benasqués, u, y que complenta obchectos directos neutros, a vegadas representatos por lo pronombre demostrativo neutro açò, això y allò (esto y ixo).
As palabras masculinas cos ("cuerpo") y temps ("tiempo") presentan una -s final que se remonta a lo tema en -s d'os neutros d'a declinación consonantica corpus, tempus y pectus.
Restos de chenero neutro en castellano En castellano, o chenero neutro nomás se conserva en l'articlo definiu lo, o pronombre personal ello, os demostrativos esto, eso, aquello y as cuantificadors cuanto, cuánto, tanto. Tradicionalment tamién se considera que os pronombres indefinius algo, nada, todo tienen o chenero neutro. Antimás bi ha palabras femeninas que en l'orichen suyo yeran plurals: rama (de ramo), braza (de brazo), lenya (de lenyo), hoja, etcetera. Ye curioso que o nombre d'a rechión d'on ye orichinario o castellano, siga un plural neutro de Castiello: Castiella.
CASTELLA > Castiella > Castilla.
Restos de chenero neutro en aragonés O mesmo se podería dicir de l'aragonés lenya, fuella, chesa. Bi ha plurals neutros fosilizatos, por eixemplo en Tramacastiella (Entre (ambos) castiellos). En mozarabe de la Val de l'Ebro bi ha plurals neutros fosilizatos en a toponimia: como Urreya, probable evolución d'o plural de Horreum.
Referencias
Categoría:Chenero gramatical