A torre d'os Urreya u torre de Sestrica ye un castellaz localizau en o municipio zaragozano de Sestrica en a comarca aragonesa de l'Aranda.
Historia O primer emento de Sestrica corresponde a l'anyo 944 cuan o rei García Sánchez I confirma una donación reyalizada por o bispe Galindo a o monesterio de Leire. En 1355, Pero IV d'Aragón dio o lugar a Constanza Chil de Bidaure y en 1369 a churisdicción sobre Sestrica pasa l'arcebispe de Zaragoza. En 1382 yera en poder de Lope Ferrández de Luna y en 1410 ya perteneixeba a Pero Ximénez d'Urreya, familia que ordenó construyir u reformar a torre sobre unatra construcción preexistent. En a web d'o SIPCA
Descripción Se tracta de una torre sinyorial, construyida con indoli residencial, de planta rectangular de bels 13 por siet metros de costau. Se troba construyida en mampostería y en l'actualidat l'interior ye vueito. Se desconoixe si en a suya epoca d'esplandor yera rematada con merlez u no pas, lo que si s'aprecia son restas d'os repalmaus sobre os que se refirmaban as tribiellas.
L'acceso se fa por a primera planta y no a ran de carrera, como corresponde a una fortaleza con carácter esfensivo, pues no en vano, o sieglo XIV, estió prodigo en conflictos con o vecín reino de Castiella, estando recient a guerra d'os Dos Peros.
L'edificio ye divisable dende cualsiquier parti d'a localidat, pues se troba construyiu en o cobalto d'ella. Castillosnet
Se veiga tamién Linache d'os Ximénez d'Urreya.
Referencias
Categoría:Biens d'Intrés Cultural de l'Aranda Categoría:Castiellos de l'Aranda Categoría:Castiellos d'a provincia de Zaragoza Urreya Categoría:Molimentos de Sestrica