A lesia de l'Asumpción de Nuestra Sinyora d'Albalat de l'Arcebispe ye una ilesia catolica gotico-renaixentista situada en Albalat de l'Arcebispe (Baixo Martín, provincia de Teruel) y construyida en o sieglo XVI (1581-1589) sobre o vago d'una ilesia anterior, d'a que nomás se conservan os tres primers pisos d'a torre, que son d'estilo mudéchar. Ye catalogada como Bien d'Intrés Cultural dende l'anyo 2001 Ficha en a web d'o SIPCA.
Descripción En l'ánglo sud-occidental destaca a torre d'estilo mudechar. O suyo primer piso ye habilitau como capiella en l'interior y tien planta cuadrada, mientres que os atros cuatre cuerpos tienen planta octogonal, con machón central o segundo y o tercero y vueitos o cuatreno y o cinqueno. Iste zaguero se i adhibió en o sieglo XVII, mientres que o remate fue adhibiu en epoca contemporania. Toz éls presentan a tipica decoración mudéchar con motivos (rombos, esquiniellas, etc.) en ladriello resaltau.
A iluminación se fa a traviés de finestrals ubiertos en arcos de meyo punto doblaus entre os contrafuertes d'a nau central, de mayor altaria y amplaria que as laterals. A os piez d'a nau se devanta un coro alto.
En cuanto a la decoración interior, merita destacar a pintura mural d'o camaril d'a Virchen d'os Arcos, atribuyida a Juan José Gárate por J. Antonio Val Lisa.
Arquitectura A suya fabrica ye de piedra de banco dica a metat de l'altaria d'os muros, a on ye substituyida por ladriello.
A suya planta consta de tres naus de cuatre trampos cadaguna y cabecera recta con dos cambras laterals, tot ixo cubierto con vueltas de crucería estrelada. A planta rectangular nomás fue distorsionada por a construcción en epoca posterior d'una capiella en o costau sud, cubierta con cupula y lanterna, que cabalga sobre a calle a modo de pasache.
A frontera occidental ye clasicista y presenta sobre a portalada un finestral ubierto a o coro, una galería d'arquillos ciegos de meyo punto doblaus y un rafe pronunciau.
Galería d'imáchens
Referencias
Vinclos externos
Categoría:Biens d'Intrés Cultural d'o Baixo Martín Asumpción d'Albalat de l'Arcebispe Asumpción d'Albalat de l'Arcebispe Asumpción d'Albalat de l'Arcebispe Asumpción d'Albalat de l'Arcebispe Asumpción d'Albalat de l'Arcebispe Albalat de l'Arcebispe Asumpción d'Albalat de l'Arcebispe Categoría:Molimentos d'Albalat de l'Arcebispe