O riojano precastellano ye a variedat mas occidental d'o romanz navarro-aragonés. Representa a evolución d'o latín en La Rioja (y norte de l'actual Soria). En tenemos testimonio escrito en as Glosas Emilianenses d'o sieglo X, y bel toponimo medieval escrito en textos latinos.
As Glosas Emilianenses no representan os primers textos castellanos como s'ha quiesto veyer, porque presentan leis foneticas propias d'a fonetica aragonesa, feito, muito, get (ye), y con o detalle que cuan s'escribioron La Rioja no perteneixeba encara a Castiella.
Dimpués d'adhibir-se a Castiella, La Rioja se castellanizó entre os sieglos XI y XIII, en un proceso pareixiu a l'afrancesamiento de l'occitán en Poitou convertindo-se en o petavín-santonchés. D'esta epoca data a colección documental clamada Libro Becerro d'o Monesterio de Val Vanera, que conserva encara muitos caracters precastellanos como l'articlo lo.
En a parla riojana castellana actual son notables pervivencias d'o romanz precastellano como luejo, plantaina, plegar, replegar Rafael Lapesa: Historia de la lengua española. Editorial Gredos. 1981, p 481. y rosada. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo X, Lamina 1564, Mapa nº 1341.
A toponimia y microtoponimia tamién amuestran caracters foneticos precastellanos: Calle Pueyo, Pueyo Concejo, Nuestra Señora de Bueyo, Ruella, Falcona, El Fenojar, La Ferrería, La Forca, Valfondillo, etcetera. Fabián González Bachiller: Aspectos fonéticos de la toponimia riojana actual. Universidat de la Rioja, 1997, p 28.
Referencias
Bibliografía Rafael Lapesa: Historia de la lengua española. Editorial Gredos. 1981. Fabián González Bachiller: Aspectos fonéticos de la toponimia riojana actual. Universidat de la Rioja, 1997,
Vinclos externos O riojano precastellano.
Categoría:Dialectos de l'aragonés medieval