Burcharaloz (Bujaraloz en castellano) ye una villa y municipio aragonés d'a provincia de Zaragoza. Ye a capital d'a comarca d'os Monegros zaragozanos.

A suya población ye de 1.048 habitants (2009), en una superficie de 121,61 km² y una densidat de 8,62 hab/km².

Cheografía A localidat de Burcharaloz ye situata a 327 metros d'altaria sobre o livel d'a mar, a una distancia de 69 km d'a ciudat de Zaragoza, a capital d'a suya provincia y d'Aragón.

Mugas O suyo termin muga con Penyalba, Casp, Sastago, Pina d'Ebro, L'Almolda y Val Farta.

Luengas y parlas A luenga tradicional de Burcharaloz ye o castellano d'Aragón, con substrato aragonés. O lexico d'intrés etnografico de Burcharaloz se conoix relativament bien por figurar esta localidat en l'ALEANR, con a sigla Z 601. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

Arqueolochía En tiempos d'os romanos pasaba por astí a vía romana que iba dende Caesaraugusta ta Ilerda. Encara se'n conserva bel tramo, y se li diz localment camín de los Fierros.

Toponimia En un texto catalán de 1264 s'escribe Bonalaroz. En un texto en idioma aragonés de 1385, relativo a lo Monesterio de Xixena, s'escribe Burjalaroz:

Atra variant documentata ye Burgelaroç. En o sieglo XVI, o valenciano Pedro Juan de Villuga escribiba, en castellano, Burjalaro u Burjarlaros en las listas de lugars que i heba entre Zaragoza y Barcelona castellanizando los toponimos catalans. Por o que pareix se remonta a l'arabe Burch, torre, como Alborche y Burchazot.

En o Fogache de 1495 s'escribe Burjaraloz.

Formas con -x- tipo Burxalaroz u Buxalaroz pueden trobar-se en textos castellanos mes recients porque encara en o sieglo XVII a j velar castellana se pronunciaba y escribiba x.

Entre os suyos microtoponimos mes interesants tenemos: pinet, un mont de 379 m, La Salineta, Hoya de Benamud, Laguna de Pueyo (relativa a un propietario con este apellito aragonés) y Laguna de Guallar (relativa a un propietario con este apellito occitán).

Demografía

Administración Reparto de concellers Eleccions municipals Partiu 1979 Ministerio d'o Interior. Resultatos electorals. 1983 1987 1991 1995 1999 2003 2007 2011 2015elpais.com Resultatos electorals en Burcharaloz. Partido de los Socialistas de Aragón 4 - 3 4 4 5 5 1 2 4 Partido Aragonés 3 6 5 5 2 3 2 4 6 4 Chunta Aragonesista - - - - - - 1 1 1 1 AP/PP - 3 1 - 3 1 1 1 - - Unión de Centro Democrático 2 - - - - - - - - - Total 7 7 7 7 7 7 9 9

Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 Carmelo Rozas Ferrer Partido Aragonés2011–2015 Carmelo Rozas Ferrer Partido Aragonés2015–2019 Carmelo Rozas Ferrer Partido Aragonés El PAR conserva Bujaraloz y Villanueva y pierde La Almolda, en Desde Monegros.2019–2023 2023–2027 Dario Villagrasa Villagrasa Consulta el listado de alcaldes que han sido proclamados en Aragón en Heraldo de Aragón PSOE

Fiestas Sant Antón, 17 de chinero. Sant Chorche, 23 d'abril. Virchen d'as Nieus, 5 d'agosto. Sant Agostín, 27 d'agosto-1 de setiembre.

Vinclos externos

Pachina web oficial municipal de Burcharaloz.

Referencias

*