thumb|Isoglosas de lo catalán en lo Matarranya seguntes Joaquim Rafel i Fontanals (1981)|250px La parla de lo Matarranya ye la parla comarcal de la compleganza de la Matarranya y fa part de las parlas de transición entre lo catalán nordoccidental y lo catalán valenciano. Se distribuye por l'alto Matarranya (oficialment comarca de lo Matarranya), y por lo baixo Matarranya (huei incluito oficialment en la comarca Baixo Aragón-Casp). En l'ALEANR figuran las localidaz de Fayón (Z 606), Calaceit (Te 202), Val de Robres (Te 205) y Penyarroya de Tastavins (Te 207). Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
No bi ha diferenciación gran ni neta con las parlas de la Tierra Alta y Baixo Ebro en la provincia de Tarragona, ni con las parlas de Los Puertos de Moriella y norte de Castellón, con tot y con ixo si bi ha una diferenciación gran con las parlas de lo Mezquín-Guadalop. Val Chunquera perteneixe a este zaguer grupo.
Las parlas de lo Matarranya son homochenias fueras de los casos de La Fraixneda, Favara y, sobre tot en la parla maellana, esta zaguera con trazas ribagorzanas.
Las trazas mas chenerals muestran las caracteristicas de lo catalán nordoccidental, como l'articlo lo, u lo present de subchuntivo, y ye mas a mán de lo catalán nordoccidental mas basico mas que lo fragatín u lo ribagorzano. Manimenos bi ha bellas trazas meridionals u valencianas, como lo pasau imperfecto de subchuntivo, que fan que la parla matarranyesa se clasifique como parlas de transición entre lo catalán nordoccidental y lo valenciano, igual que lo tortosín. La influencia de lo catalán metropolitano con la construcción els-hi aplega dende Tortosa y Gandesa.
Bi ha una redueita presencia d'antigos aragonesismos en comparanza a los castellanismos modernos u neolochismos d'orichen francés y anglés propios de la modernidat. Artur Quintana i Font fació unas enquestas lexicas en toz los lugars de lo Matarranya y trobó plantaina en Maella, Mazalión y Fórnols. Artur Quintana i Font: El parlar de la Codonyera, resultats d'unes enquestes: resumen de la tesis presentada para aspirar al grado de Doctor en Filosofía y Letras. Universidad de Barcelona, 1974 Atros aragonesismos presents son lligallo, txirigallo y tartir. La presencia d'aragonesismos ye mes gran en maellán, on fan servir lo vocativo fillo.
Referencias
Categoría:Catalán nortoccidental Categoría:Matarranya Matarranya