Lepiota (Pers.) ye un chenero de fongos Basidiomycota, a dintro d'a orden Agaricales. Anque totas as especies d'o chenero producen esporas de color blanca, son familiars d'os champinyons (chenero Agaricus), que istos las i tienen de marrons, a partir d'os cuals ye descrita la orden. Per l'usual, tienen aniellos en o trallo, que en os eixemplars mes grans pueden desprender-se. As coronas tienen escratas, a color d'as cuals ye muit important ta determinar-ne la especie exacta.
A especie tipo d'o chenero no ye guaire clatera. Earle referiba la cogoma como tal en l'anyo 1909, encara que Singer en 1946 proponsó Lepiota clypeolaria ta impedir as entivocacions con o tamién descrito chenero Macrolepiota, a on que a primera ye actualment concabida. Actualment Lepiota clypeolaria se troba clasificada tamién en un altro chenero, baixo la denominación d'Agaricus columbinus. Asinas, no bi ha garra d'as especies orichinals que s'emplegoron ta describir iste chenero que encara i siga clasificada.
En relación con a suya cullita, os potrecons d'iste chenero contienen amanitinas que éls fan fuertement toxicos. D'entre as especies que se conoix que han gosato causar muertes, u han plegato a man de causar-ne, i hai a Lepiota brunneo-incarnata que se troba en a Peninsula Iberica, a Lepiota helveola y a Lepiota josserandi d'America d'o Norte.
Imáchens
Especies actuals d'o chenero Lepiota
20px Lepiota aspera (mortal) 20px Lepiota brunneo-incarnata (mortal) 20px Lepiota castanea (mortal) 20px Lepiota clypeolaria (indichesta) 20px Lepiota cristata (indichesta) 20px Lepiota helveola (mortal) 20px Lepiota heteri (mortal) 20px Lepiota josserandi (mortal) 20px Lepiota scobinella (mortal) 20px Lepiota subincarnata (mortal)
Se veiga tamién Cogoma Macrolepiota procera
Vinclos externos
*