Usón rendreza en ista pachina; ta o lugar de Huerto en os Monegros, se veiga Usón (Huerto).

O muixardónCon as variants moixardón, muixordón, muixerón y muixilón. u usónCon as variants sisón, isón y isana. ( (Fr.)) ye un fongo que naix de primavera, por lo que tamién se conoix como muixardón de primavera, debaixo de cualques especies d'arbustos, como artos y aranyoners. Precisa suel humedo, por un regular micorrizato con árbols y arbustos que viven aislaus en pratos u faixas, poquetas vegadas en árbols de selva.

O camparol fa dende 5 dica 17 cm d'amplo, brostando con forma redondiadeta en primeras, que s'obre y s'aplana dimpués. A color d'o camparol, y d'o potrecón en cheneral ye blanquinyosa u grisa, anque bi n'ha que gosan manifestar dica coloración royisca. Tien as laminas pretas y de color blanquinyosa u crema.

Nombres En Aragón, o termino "muixardón" tiene diferents formas variaderas, como muchardón, documentato en a Val de Broto y Tena, moixardón en a Val de Benás y Puértolas (Sobrarbe), muchirón en a localidat chacetana de Canfranc, moixordón u muixordón BLAS GABARDA, Fernando et ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. en a Val de Chistau, muixardón en Torres (Ribagorza), etc. Otras denominacions aragonesas son muchilón perretxiko, seta de primavera (micoValdorba), boixardón, muxerón, amás de la forma castellanizata mojardón. En Castiella tenemos mansarón, lansarón, nansarón en tierras de Soria y Burgos, y nazarón en a comarca de Moncayo.

Significativament, en altras luengas que mugan cheograficament con l'aragonés tamién se i conoix ista especie con nombres que dimanan d'a mesma radiz: en catalán tenemos as variants moixernó Dentrata moixernó en o Diccionari de la Llengua Catalana (DIEC2), versión en linia d'o Institut d'Estudis Catalans; consultato lo 16 d'aviento de 2009.Prenunciau /moiʃeɾ'no/ u /muʃəɾ'no/ y mixernóPrenunciau /miʃeɾ'no/ y en as luengas d'Oc en dicen mossairon Dictionnaire occitan de Lo Congrès permanent de la lenga occitana; consultato lo 12 de febrero de 2022.Prenunciau /musai'ʁuŋ/, mossironPrenunciau /musi'ʁuŋ/, y moisharonPrenunciau /muʃa'ɾuŋ/, moisheronPrenunciau /muʃe'ɾuŋ/, moishironPrenunciau /muʃi'ɾuŋ/, mossaronPrenunciau /musa'ɾuŋ/, mosseronPrenunciau /muse'ɾuŋ/, mosseironPrenunciau /musei'ɾuŋ/ en gascón. En antico francoprovenzal u arpitán en diceban moisserun Dictionnaire Français en Ligne du Centre National de Ressources Textuelles et Lexicales; consultato lo 16 d'aviento de 2009.Prenunciau /muʃə'ɾuŋ/, y en francés, o termino que s'ha feito cheneral en a bibliografía micolochica y as guías de potrecons ye tricholome de Saint-Georges, pero se sabe que a palabra patrimonial yera mousseronPrenunciau /musə'ʁɔ/, prestato a l'anglés mushroom HOAD, T. F.; The Concise Oxford Dictionary of English Etymology; Oxford University Press, 1996; consultato a traviés de www.Encyclopedia.com lo 16 d'aviento de 2009. "sampinyón" y que s'aplicaba especificament a ista especie.

L'orichen d'ixas formas ye o latín medieval mus(s)iriōnem mushroom (Wiktionary) y se relaciona con un arquelexema indoeuropeu antigo *meus- "molsa, mogo, mildio", reflexato en o chermanico *musan, *musō, *miuziz "paúl, molsa": antico anglés mōs "paúl", mēos "molsa", baixo francico *mossa (antico holandés mossa) "molsa" > antico francés mosse, moderno mousse. A opinión común d'entre os estudiosos ye que ixe lexema en orichen no identificaba garra fongo concreto, sino que indicaba "potrecón" en cheneral. Ixo se fa mes claro cuan se vei que mesmo en aragonés bi ha mes d'una especie que o suyo nombre dimana d'ixa mesma radiz, como as muixardinas. En relación con tota ixa teoría, en o lexico d'orichen aragonesa d'Íxar (Baixo Martín, Baixo Aragón historico) se documenta a forma castellanizata bojardón LABORDA, Mariano; Recuerdos de Híjar 2. Editato por o Centro de Iniciativas Turísticas del Cuadro Artístico de Híjar, 1993. con o significato aproximato de "fongo" u "cosa pareixita a un potrecón".

Amás de muchirón (veyer mas entalto), en a Chacetania se i documentan as formas isón de primavera en Aragüés de lo Puerto, usón en Echo, Canfranc y Ansó, y usún en a val de Roncal. En a vecina comarca de l'Alto Galligo, se reconoix como sisón. En Acumuer y Aso de Sobremont, y en Longars y tota la val d'Onsella se i puede sentir o nombre isana, que morfolochicament tamién pareix emparentada con as anteriors y d'a que prene o nombre lAsociación Micolochica Isana con siede en os Pintanos. As formas aragonesas son parexidas al basco ziza seta (Auñamendi Entziklopedia), consultata a traviés de Wayback Machine lo 24 d'octubre de 2010. (tamién zuza en bizcaíno y guipuzcuán), xixa'' "potrecón, muixardón". Existe tamién a denominación chirigola''' en Castelserás.

Se veiga tamién Muixardón d'agüerro.

Notas

Referencias

Vinclos externos

Gambosa Categoría:Fongos d'os Pireneus Categoría:Setas comestibles