O rebichueloCon a variant rabichuelo u fongo royo fino ( (L., 1758)) ye una seta comestible que amaneix en as selvas de pins en tot lo territorio d'Aragón, en estando muit apreciau en gastronomía, y practicament un d'os pocos fongos que siempre s'ha cullido ta consumo humano en l'Alto Aragón.

O rebichuelo se gosa distinguir con facilidat por a suya color royisca u narancha, con una caracteristica distribución d'aniellos concentricos de pigmentación mas oscura en a corona, que i pueden ser mas u menos marcaus en pendendo de l'eixemplar. As laminas son royiscas tamién, pero de color uniforme en comparanza con a cara superior d'a corona. A corona fa d'entre 4 y 16 cm de diametro, y a sobén se muestra como concava en a suya cara superior, podendo tener a ladera mas u menos deformada y poco uniforme en a suya forma. O trallo ye vuedo por a dintro, y no creix si que dica os 4 u 6 centimetros d'altaria, con un diametro muit pocas vegadas superior a os 3 cm.

Como con altros fongos pasa, cuan se talla u se fa garra ferida en os teixidos, se produce una oxidación que les fa prener una color bella cosa mas verdisca. En as feridas, libra látex de color narancha u royisca.

Imáchens

Nombres En Aragón, a especie L. deliciosus recibe diferents nombres. Os mas comuns, manimenos, son os que derivan d'o etimo latino rubellĭo, -ōnis, que fan alusión a la color d'o potrecón. "Robellón" y "rebollón" son parolas que s'alternan aleatoriament en o vocabulario de bellas comarcas, sin que i haiga garra preferencia por la una u l'altra, y pasa a sobén que se'n puede sentir de boca d'un mesmo parlador as dos formas en una mesma conversa. Se documenta a forma robellón en lugars tan distants d'entre si como Suelves VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. . en o Viello Sobrarbe, Vio y Buerba en a val de Vio (Sobrarbe), Santa Liestra, Benás u Cosculluela de Fantova en Ribagorza, Castelserás y Torrociella d'Alcanyiz QUINTANA i FONT, Artur et al., El Aragonés residual del bajo valle del Mezquín (2ª Ed.); Ayuntamiento de Torrecilla de Alcañiz. Torrociella d'Alcanyiz, 2004. en o Baixo Aragón, u Tramacastiella de Tena en l'Alto Galligo. Rebollón s'ha puesto documentar en a Torrociella d'Alcanyiz en o Baixo Aragón, L'Almunia de Donya Godina en a Val de Xalón, en Radiquero y Biarche en o Semontano de Balbastro, Gallocanta en o Campo de Daroca, etc. el que muestra una distribución una mica mas ubicua, anque cal decir-lo en Sobrarbe as dos parolas s'intercalan en as conversas sin garra preponderancia, y probablement pasa igual en belaltras comarcas. Emparentada con as anteriors, en Ansó y Fago (Chacetania) se i documenta rebichuelo. BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007.

Manimenos, en bels puntos, se i puede documentar una forma menos especifica, tamién refierta a la coloración, que ye fongo royo u simplament royo. En bels nuclios de Cinco Villas aragonesas diz que se i reconoix tamién o termin mizclo.

Se veiga tamién Cocoma. Muixardina. Muixardón.

Notas

Referencias

Vinclos externos

deliciosus Categoría:Fongos d'os Pireneus Categoría:Setas comestibles