Iste articlo tracta sobre o estau austriaco de Tirol. Ta atros emplegos se veiga Tirol (desambigación).
Tirol (en austro-bavaro Tirol, Diaroi u Tiroi) ye un d'os nueu estaus d'Austria. A suya capital ye Innsbruck y atras ciudaz importants son Kitzbühel y Kufstein. Tien mugas con Alemanya, Italia, Suiza y os estaus austriacos de Vorarlberg, Salzburgo y Carintia.
O suyo río prencipal ye l'Inn. O mont Grossglockner en a muga con Carintia ye a montanya mas alta d'Austria.
Historia thumb|left|400px|Mapa d'o Tirol con as mugas de 1890 (tota a rechion feba parti d'Austria en ixe tiempo Dica 1918 a rechión d'o Tirol perteneixeba entregrament a l'Imperio Austrohongaro, pero dende a fin d'a Primera Guerra Mundial, con o tractau de Saint-Germain-en-Laye, estió dividito y a rechión d'o Tirol d'o Sud pasó a mans d'Italia.
Cheografía O estau de Tirol ye o tercer Bundesland (estau federau) mas amplo d'Austria con una superficie de 12 640,17 km². Amás, ye o estau austriaco con mayor largaria de mugas internacionals con un total de 719 km, distribuidas entre Alemanya, Italia, y en una chicota parti, Suiza.
A suya superficie ye dividida en dos rechiones no mugants (por motivos historicos): d'una man o Tirol u Tirol d'o Norte, a mayor d'as dos subrechions y d'atra Tirol de l'Este, estando a dos rechions deseparadas por Italia (Tirol d'o Sud u Provincia autonoma de Bozen) y o estau federal de Salzburgo.
División administrativa thumb|400px|División administrativa de Tirol (parti austriaca en gris claro y parti italiana en gris fosco). Administrativament se divide en nueu districtos, ueito perteneixients a Tirol d'o Norte y un a Tirol de l'Este.
Tirol d'o Norte Landeck (Landeck) Reutte (Reutte) Imst (Imst) Innsbruck Innsbruck-Land (Innsbruck) Schwaz (Schwaz) Kufstein (Kufstein) Kitzbühel (Kitzbühel)
Tirol de l'Este Lienz (Lienz)
Prencipals ciudaz de Tirol Innsbruck (132.236) Kufstein (18.973) Telfs (15.582) Hall in Tirol (13.801) Schwaz (13.606) Wörgl (13.537) Lienz (11.945) Imst (10.371) St. Johann in Tirol (9.425) Rum (9.063) Población: 2017
Referencias
Categoría:Tirol (estau)