Iste articlo tracta sobre Villamayor de Galligo. Ta atros emplegos d'o toponimo Villamayor se veiga Villamayor (desambigación).
Villamayor de Galligo (en castellano Villamayor de Gállego) ye un municipio aragonés d'a provincia de Zaragoza, en a Comarca Central.
A suya población ye de 2.888 habitants (2010), en una superficie de 93 km².
En o suyo escudo ye representada a sabina de Villamayor, una sabina protechita como árbol singular. Parte d'o suyo territorio ye incluyiu en a zona LIC Sierras de Alcubierre y Sigena que fa parte d'a Rete Natura 2000.
Toponimia En 1916 s'anyadió "de Galligo" a lo suyo nombre. Pascual Miguel Ballestín Toponimia Mayor de Aragón: ciudades, villas, lugares, aldeas, ríos, montañas y territorios, Gara d'Edizions, 2015, , p.489
Historia Ha estau entre gran parte d'a suya historia un barrio rural d'a ciudat de Zaragoza. Una d'as primeras mencions a Villamayor ye de 1175 como un d'os termins d'o lugar de Mamblas. O desembolic d'os reganos de Candiclaus y a suya posición a canto d'o camín reyal de Balbastro facioron bien viable o nuclio de población ya en o sieglo XIII. Isidro Aguilera Aragón, José Luis Ona González (Coordinadors): Delimitación comarcal de Zaragoza Gobierno de Aragón. Colección Territorio, p 382 En o fogache de 1495 figura como un barrio de Zaragoza. Antonio Serrano Montalvo: La población de Aragón según el fogaje de 1495 Volumen 1. Institución Fernando el Católico, 1995
Entre 1889 y 1911 estió un municipio independient. En os anyos 1980 prencipió un movimiento vecinal ta aconseguir de nuevas a segregación de Zaragoza. Dimpués d'una sentencia chudicial, torna a estar un municipio independient dende l'1 de chinero de 2007. Manimenos, o nuevo concello ha mirau de tornar en a situación anterior, solicitando a reintegración en Zaragoza, en primeras como barrio rural, Noticia en El Periódico de Aragón, 5 de mayo de 2008: El PSOE aprueba en pleno iniciar el proceso de agregación a Zaragoza. y mas enta debant como entidat local menor. Noticia en El Periódico de Aragón, 18 d'abril de 2009: El consistorio aprueba la vuelta a Zaragoza como entidad menor.
Cheografía A localidat de Villamayor de Galligo se troba situata a 226 metros d'altaria sobre o livel d'a mar, a una distancia de 9,7 km d'a ciudat de Zaragoza, a capital d'Aragón, d'a suya provincia y d'a suya comarca.
En Villamayor bi ha una sabina protechita como árbol singular, a sabina de Villamayor, que representa o zaguer repui d'os sabinars de Juniperus thurifera que i heba a mán de Zaragoza, continación d'os sabinars monegrinos.
Demografía
Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Chunta Aragonesista 4 4 6 6 Partido de los Socialistas de Aragón 6 5 4 3 Partido Popular 1 2 1 2 Total 11 11 11 11
Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 Clemente Martínez Olalla Partido de los Socialistas de Aragón2011–2015 José Luis Montero Lostao Chunta Aragonesista2015-2019José Luis Montero LostaoChunta Aragonesista2019-2023José Luis Montero LostaoChunta Aragonesista2023–2027 José Luis Montero Lostao Consulta el listado de alcaldes que han sido proclamados en Aragón en Heraldo de Aragón CHA
Personalidaz naixitas de Villamayor de Galligo :Categoría:Naixius de Villamayor de Galligo
Vinclos externos
www.VillamayorDeGallego.com.
Referencias
*