Chaime II d'Aragón (Valencia, 10 d'agosto de 1267 - †Barcelona, 2 de noviembre de 1327) estió un rei d'Aragón y Sicilia entre 1291 y la suya muerte.
Segundo fillo de Pero III y d'a suya muller Gonstanza II de Sicilia, de su pai heredó lo reino de Sicilia en 1285. Redotó a lo suyo competidor Carlos d'Anchú, de qui la flota estió estricallada en mas d'una batalla por l'almirant aragonés Rocher de Lauria. Conquerió Calabria y las islas d'o golfo de Nápols.
L'empentoron pa que luitase contra los templers. Luitó contra la bailía templera de Castellot, uno d'os nuclios templers que mas resistioron. Sindembargo creyó la orden de Montesa con repuis de l'antiga orden templera.
Descendencia Elaboró una politica de vinclos matrimonials con a familia reyal castellana, pero no dio los resultaus esperaus. A filla de |Sancho IV feba part d'o tracto y, encara con 8 anyatas d'edat, fue ninviada enta la Aragón pa casar-se con Chaime II. Manimenos, tres anyatas dimpués la tornoron enta Castiella, pus o papa Bonifacio VIII no concedió la dispensa matrimonial.
Se casó cuatro vegadas: con Isabel de Castiella, Blanca de Nápols, María de Chipre y Elisenda de Moncada. No tenió descendencia so que con a segunda muller, Blanca de Nápols, naixendo diez fillos:
Chaime d'Aragón y Anchú (1296-1334), que renunció a los dreitos reyals suyos. Alifonso IV d'Aragón (1299-1336), rei de Aragón, rei de Valencia y conte de Barcelona. María d'Aragón y Anchú (1299-1347), casada con Pero de Castiella y de Molina y, dimpués de enviduar, moncha en o monesterio de Santa María de Xixena. Gostanza d'Aragón (1300-1327), casada con Don Juan Manuel. Blanca d'Aragón y Anchú (c. 1301-1348), moncha y priora en o monesterio de Santa María de Xixena. Isabel d'Aragón y Anchú (1302-1330), que casó en 1315 con Frederico I d'Austria. Chuan d'Aragón (1304-1334), arcebispe de Toledo, de Tarragona y patriarca d'Aleixandría. Pero d'Aragón (1305-1381), conte de Ribagorza, d'Ampurias y de Prades. Ramón Berenguer de Aragón y Anchú (1308-1364), conte de Prades y sinyor d'a villa d'Elch. Violant d'Aragón y Anchú (1310-1353), casada con Felipe, despota de Romanía y fillo de Felipe I de Taranto, y posteriorment con Lop Ferrench de Luna, primer conte de Luna.
Vinclos externos
Árbol chenealochico
Categoría:Muertos en Barcelona Categoría:Naixius de Valencia Categoría:Reis d'Aragón Categoría:1267 (naixencias) Categoría:1295 (muertes)