Esquerra Republicana de Catalunya (Ezquierda Republicana de Catalunya en aragonés) ye un partiu politico fundato en Espanya en 1931 y actualment con presencia tamién en Francia, d'ideolochía independentista catalana, anque orichinalment federalista.
ERC estió o partiu de relevants politicos catalans como Francesc Macià, Lluís Companys u Josep Tarradellas, desembolicó un important papel en la politica catalana y espanyola demientres a Segunda Republica, a luita antifaxista y a Transición ta la democracia.
O president d'o partiu ye, actualment, Oriol Junqueras i Vies.
En as eleccions a o Parlamento de Catalunya de 2012, o 25 de noviembre de 2012, Esquerra Republicana de Catalunya, con 23 deputatos, puyó 11 escanyos en o Parlamento de Catalunya sobre os 10 d'as eleccions anteriors, estando amás o segundo partiu por numero d'escanyos dezaga de Convergència i Unió y per debant d'o Partit dels Socialistes de Catalunya. CiU pierde peso pero l'independentismo vence con fuerza en Catalunya, en Arredol.
Vinclos externos Pachina web oficial d' Esquerra Republicana de Catalunya.
Referencias
Categoría:Partius politicos independentistas catalans