Villadolz (Villadoz en castellano) ye un municipio aragonés de la provincia de Zaragoza, situato en la comarca de lo Campo de Daroca.
La suya población ye de 93 habitants (2013), en una superficie 17,2 km², y una densidat de población de 5,39 hab/km².
Cheografía Ye situau a piet de la Sierra de Peco, cerca de la Uerba, a 900 metros d'altaria sobre lo livel d'a mar y a una distancia de 79 km de la ciudat de Zaragoza, la capital de la suya provincia y d'Aragón.
Mugas Lo suyo termin municipal muga con Baduls, Romanos, Villarroya, Mainar y Villa-reyal de la Uerba.
Toponimia Seguntes Antonio Ubieto Arteta Villadolz dica 1609 y Villadoz dende 1646. De feito sale como Villadolz en lo fogache de 1495.
La forma dolz ye una forma patrimonial derivada de lo latín DULCE(M) con la evolución regular de la Ŭ curta latina d'acuerdo con lo sistema vocalico de lo latín vulgar, que la reduce a "o", como s'aprecia en BUCCA > "boca" y MUSCA > "mosca" Heinrich Lausberg: Lingüistica romanica. Tomo I fonetica. Editorial Gredos, 1993. p 234.. La forma actualment predominant en aragonés cheneral y en castellano dulce ye un cultismo ya documentau en aragonés medieval. En benasqués se conserva dolzo y dolza Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 127. (con seseyo), formas pareixidas a las aragonesas medievals dolz Vidal Mayor, dolza.
Lo toponimo Villadolz presenta la denominación de villa que se troba en atros lugars de la redolada, y l'adchectivo aragonés dolz li da un matiz sucherent como en atros lugars de la redolada (Cuenca Buena, Fuent Buena, Valverde, Villafermosa, Camín Reyal). Tot esto puet reflectar fundacions dimpués de la reconquiesta en una zona poco poblada, a on que se quereba fer venir repobladors Pascual Diarte Lorente: Presencia, poder e influencia de la Iglesia en el valle medio-alto del Jiloca y tierras aledañas. XILOCA, nº 20, 1997, pp 77-105. ISSN: 0214-1175..
Historia En o sieglo XV perteneixeba a la Comunidat de Daroca. Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història'', ISSN 0210-9980, Nº. 24, 1974, pp. 65-102
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 2015 2019 2023 Partido de los Socialistas de Aragón 1 1 1 1 - Total 1 1 1 1 1
Alcaldes Lista d'alcaldes Lechislatura Nombre Partiu politico1979–1983Juan Jesús de los Hielos PeinadoPAR1983–1987Marceliano Peinado Cebollada PAR1987–1991Marceliano Peinado Cebollada PAR1991–1995Miguel Izaguerri López PSOE1995–1999Miguel Izaguerri López PSOE1999–2003Miguel Izaguerri López PSOE2003–2007Miguel Izaguerri López PSOE2007–2011María Ascensión Giménez Santolaria PSOE2011–2015María Ascensión Giménez Santolaria PSOE2015–2019María Ascensión Giménez Santolaria PSOE2019–2023María Ascensión Giménez Santolaria PSOE2023–2027 Maria Ascension Gimenez Santolaria Consulta el listado de alcaldes que han sido proclamados en Aragón en Heraldo de Aragón PSOE
Fiestas 1 de chunio, Trinitat (Romería). 25 de chulio, Sant Chaime Apóstol (fiestas d'o verano). 11 de noviembre, Sant Martín de Tours (Fiesta patronal).
Puestos d'intrés Ilesia de Sant Chaime Apostol. Ermita de Sant Martin de Tours. Ermita de Santa Maria Malena Pairón d'a Virchen d'o Carmen Soto d'a Uerba de Villadolz Cerro de Sant Bartolomeu
Referencias
*