Iste articlo ye sobre un chenero d'aus; ta atros usos, se veiga Ardea (desambigación).
Ardea ye un chenero d'aus aintro d'a familia d'as ardeidas. Son aus de midas grans, que plegan y encluso pueden superar es 100 cm d'altaria, fendo arredol d'es 2m d'amplaria d'alas. Clasicament pescataires, capturan as suyas presas en comarcas humidas, d'auguas entibadas y poco fondas, a on gosan a parar-se per entre d'a vechetación y esperan que pasen peixes, ranas y altros chicoz vertebratos, con tota a inmobilidat posible, y alavez claban un ataque rapedo con es suyos cuellos y agafan l'animal con o pico.
Amés gran parti d'as especies nidifican en colonias a l'alto d'arbols. Tienen una traza de volar bien lenta y se pueden destinguir d'as cigüenyas perque en volar no estiran o cuello si que el mantienen mes replegato encara que cuan son en tierra.
Especies Ardea alba, garrapescaire blanco Ardea cinerea, garrapescaire Ardea cocoi Ardea eulophotes u Egretta eulophotes Ardea goliath Ardea herodias Ardea humbloti Ardea intermedia, u Egretta intermedia Ardea insignis Ardea melanocephala Ardea pacifica Ardea picata, u Egretta picata Ardea purpurea, garrapescaire royo Ardea sumatrana
Bel numero d'especies d'Ardea son coneixitas en o rechistro fósil, anque a suya clasificación adintro d'Ardea y no en Egretta no ye si que provisional. Ardea bennuides Ardea sp. (Mioceno meyo, Observation Quarry, EEUU) (fosil) Ardea sp. (Mioceno tardano, Love Bone Bed, EEUU) (fosil) Ardea polkensis (Plioceno primerenco, Bone Valley, EEUU) (fosil) Ardea sp. (Pleistoceno primerenco, Macasphalt Shell Pit, EEUU) (fosil) Ardea formosa (fosil) Ardea howardae (fosil) Ardea similis (fosil)
Vinclos externos
*