Iste articlo ye sobre una comuna occitana en o departamento francés d'Altos Pireneus; ta atros usos, se veiga Lorda (desambigación).
Lorda (Lorda en occitán; Lourdes en francés) ye una ciudat francesa, situata en o departamento d'Altos Pireneus. Se troba en tierras occitanas, a piet d'os Pireneus, amanata a Aragón, dende o cual os accesos son fácils per a banda de Chaca u per Bielsa. A suya población ye de 15.254 habitants (2007) en una superficie de 37 km², con una densidat de población de 411 hab/km².
En o suyo termín municipal ye situau lo santuario de Nuestra Sinyora de Lorda, un complexo relichioso que abraca bellas ilesias, capiellas, viacrucis, y cientos d'hotels y botigas, estando o punto de pelegrinache mas important de Francia pa os catolicos, y un d'os prencipals en o mundo.
Fueras de l'intrés relichioso, a ciudat conta con un castiello fortificato medieval.
Santuario de Nuestra Sinyora de Lorda Se conta que en febrero de 1858 a Virchen María apareixió debant d'una misacha de 14 anyos que se deciba Bernadeta Sobirós en a remota tuta de Massavielha. A estatua d'a Virchen de Lorda s'erichió en ixe puesto en 1864. Luego a capiella se cambió per una basilica de pelegrinache. Bernadeta Sobirós dentró en o monesterio de Nevers en 1866 y fue canonizata en 1933.
Cada anyo, de marzo ta d'octubre, o santuario de Nuestra Sinyora de Lorda ye un centro de pelegrinaches en masa, venitas d'Europa y d'altros cabos d'o mundo. Se creye que l'augua d'a fuent d'a grota poseye propiedaz curativas. A Ilesia Catolica Romana en ha reconoixito oficialment 66 curacions miraglosas.
Demografía
Se veiga tamién Nuestra Sinyora de Lorda Bernadeta Sobirós Santuario de Lorda Museu Pirinenco
Vinclos externos Portalada d'os sitio web oficial de Lorda. O sitio web oficial d'o santuario de Lorda
*