Iste articlo tracta sobre a valle de Sieste. Ta altros usos d'o toponimo «Sieste» se veiga Sieste (desambigación).

A valle de Sieste (en a parla local. En aragonés estándard val de Sieste) u valle de Morcat ye lo nombre como popularment se conoix a valle menor que traza o barranco de Sieste, en o termin municipal de Boltanya (Sobrarbe, Uesca).

Ye una valleta que no supera os 8 km de lonchitut, con un trazau en forma d'«S» en sentito sud-ueste→nord-este, que conduce o barranco de Sieste ta desembocar-se en o río Ara. Ye una d'as diferents valletas, de caracteristicas pareixidas, que concaben barrancos d'orientación sud→norte que afluyen en o río Ara en o trampo d'entre Fiscal y o suyo final en l'Aínsa.

Hidrolochía A valle queda delimitada por a parte d'alto por o portiello que se forma d'entre as estribacions d'a sierra d'o Gabardón en o sud-ueste y lo sarrato de Morcat en o sud-este, por a on que se comunica as cuencas alta d'o río Balcez (Isuela) y d'o río Ara.

Por o nord-ueste, o sarrato de Campodarbe fa la divisoria con a vecina y paralela valle d'o barranco de la Banyera. Por o sud-este, o prolargar-se d'o sarrato de Morcat y a suya comunicación con o tozal de Gabardiella y o tozal de Guaso la delimitan contra la cuenca d'o río Ena.

A boca d'a valle cara ta la valle de Boltanya ye d'entre o tozal de Sieste y o tozal de Guaso. O barranco de Sieste desemboca en o río Ara en Malgurguet, en plena valle de Boltanya, a bel 1,5 km auguas t'abaixo d'ixa villa.

Nuclios de población Son nuclios de población que se troban a dintro d'ista valleta u que la sinyorean dende alto pero en mirando ta ella (en sentido descendent) Morcat. O Mesón de Fuevola. Sant Velián. Sant Martín de la Valle. La Valle. Sieste.

Son nuclios de población que se troban amán, pero no fan parte d'a valle por trobar-se en as baixants cuentras de bellas formacions orograficas: Campodarbe, que sinyorea la valleta d'o barranco de la Banyera (u «valle de Campodarbe») anque se sitúa a pocos cientos de metros de coronar-se o portichón que comunica las dos valles. Puimorcat, que fué aldeya de Morcat cuan ixe encara yera capital de municipio. Se troba en a man d'o sarrato de Morcat por a on i naixe lo río Vero.

Se veiga tamién Barranco de Sieste. Barranco de la Banyera. Puerto de Sarrablo. Sierra d'o Gabardón. Río Balcez u Isuela. Río Vero.

n

Sieste Sieste