Iste articlo ye sobre o santo patrón de Uesca. Ta atros emplegos se veiga Sant Lorient (desambigación).
Sant Lorient (Laurentius en latín) estió un d'os siet diaconos de Roma, ciudat a on que fue martirizato con unas esparrillas en 258. Estió o primer santo hispanorromano naixito d'o territorio que enguán ye Aragón.
Seguntes a tradición yera naixito de Uesca, en a Hispania Tarraconensis. Cuan Sixto fue nombrato Papa en 257, Lorient fue ordenato diacono, y encargato de administrar os biens d'a Ilesia y o cudiato d'os pobres. Por ista faina, ye considerato a sobén un d'os primers archivistas y trasorers d'a Ilesia, y ye o patrón d'os bibliotecarios.
Seguntes a lechenda aragonesa d'o Santo Gredal o papa Sixto II li confió o Santo Gredal cuan as persecucions de Valerián y Sant Lorient se levó o gredal ta Uesca.
Diz a falordia que Lorient fue cremato vivo en una foguera, concretament en una gradiella, amán d'o campo de Verano en Roma. A suya festividat se celebra o 10 d'agosto, día en o cual seguntes a tradición recibió martirio. En a traducción aragonesa d'o "Breviarium ab Urbe condita" mencionan o suyo martirio:
Ye curioso o pareixito fonetico de "gredal"/"gradal" con "gradiella", feito que podió inspirar a presencia de Sant Lorient en a lechenda aragonesa d'o Santo Gredal, (u si esta lechenda ye posterior, a tradición d'haber muerto en una gradiella).
*