Reperós (en catalán Roperós) é un llugar d'el municipio de Vall de Lierp, a la comarca de Ribagorza y la provincia de Uesca. Anque ha estau vuedo moltos anys, s'ha tornau a habitar fa poco y en 2018 teniba 2 habitants. Nomenclátor: Población del Padrón Continuo por Unidad Poblacional a 1 de enero ; consultau el 23 de mayo de 2019. En l'actualidat Reperós é una propiedat privada y s'ha condicionau como establimento de turismo rural (casa Tomaso). Pachina web de Casa Tomaso; consultada el 24 de mayo de 2019.
El parlar d'els antigos poblladors de Reperós s'ha cllasificau tecnicament como catalán ribagorzano de transición ta aragonés, y como toz los nuclios de la vall de la Ribera é a la boga entre els dos idiomas, con un parlar que en realidat ten caracteristicas de la un y de l'atro idioma, condimentadas con tantos elementos que son propios de Ribagorza y que donan forma a'l que moltos per estos llugars dicen simplament «el ribagorzano».
Cheografía
Reperós é a 1174 metros d'altaria sobre el livel d'a mar, a una distancia de 127 kilometros de Uesca, la capital de la suya provincia.
El llugar se troba a la envista de la cabecera municipal de Torlarribera, a la encuentra d'el barranco de la Vall, de la conca d'el cual els dos fan parte. Como tal, Reperós é dentro de la vall de la Ribera, anque pende d'el concello de Vall de Lierp, que é en Eixea.
Toponimia D'alcuerdo con una interpretación lo toponimo Reperós puet venir de río petroso. Reperós; consultada el 24 de mayo de 2019. La primer mención é en 960 como Rivo Petroso, unatra d'el sieglo XII como Rivo Petruso.Moisés Selfa Sastre: Toponimia del valle medio del Ésera (Uesca). Universitat de Lleida, 2005 Ya se diu Reperós en 1612. Manimenos, i ha un nuclio de población a'l concello asturiano de Mieres que se diu Repedroso, y un Barranco de Repetruso en Torla (Sobrarbe), por lo que podría estar un toponimo con prefixo re- anyadiu a l'adchectivo llatino PETROSU.
Una atra interpretación la fa un autor local, y diu que Reperós podría venir de «Riba» (en el sentiu de «ribazo») u «Ribera», perque el llugar é en una zona d'espondals. MIGUEL BALLESTÍN, Pascual, Toponimia Mayor de Aragón; Institución «Fernando el Católico» + Gara d'Edizions. Zaragoza, 2014. Atras formas historicas d'el toponimo han estau «Riperós» y «Riperas».
Casas
Las casas de Reperós yeban: casa Chuan, casa la Mariana, casa Molinero, casa Perichuán y casa Tomaso. SELFA SASTRE, Moisés. Toponimia de Ribagorza. Municipio de Valle de Lierp. Colección Toponimia de Ribagorza. Editorial Milenio. Lleida, 2003.
Demografía
Llengua
Como tot el municipio de Vall de Lierp, Reperós é en zona de transición llingüistica entre l'aragonés y el catalán, en las suyas variants ribagorzanas. Reperós é a la parte oriental d'el termino municipal, aon las aiguas marchan cara ta l'Isabana, como tamén eba Piniello. La parla d'esta parte de la vall se considera catalán ribagorzano de transición ta aragonés, mentres que la parte occidental (Eixeya, Pueyo, Sarrat, Padarnín y l'Obago) s'ha cllasificau como aragonés ribagorzano de transición ta catalán.
La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca. Manimenos, els habitants actuals d'el llugar no son orichinarios de la vall. Articlo «Valle de Lierp, una tierra de segundas oportunidades» en l'Heraldo de Aragón de 22 d'abril de 2019. Consultau el 24 de mayo de 2019.
Referencias
Categoría:Lugars d'a provincia de Uesca Categoría:Lugars d'a Vall de Lierp Categoría:Localidaz d'a diocesi de Balbastro-Monzón en Ribagorza