La Val d'Ezcua (en basco Aezkoa ibarra) ye una val navarra, situata en los Pireneus en la comarca d'Auñamendi.
Cheografía left|120px|thumb|Mapa d'a val con os suyos municipios D'orografía montanyosa, pero no tanto como en lo Pireneu central. Grans selvas de caixicos y fayos dan a lo paisache ezcuano una particular belleza, que complementan las auguas de lo río Irati, prencipal corrient fluvial de la zona. O hibierno propicia en Ezkua grans nevatas, mientres que los veranos son suaves y agradables.
La val ye integrada por nueu municipios: Abaurrea de Suso, Abaurrea de Chuso, Aria, Arive, Garayoa, Garralda, Villanueva d'Ezcua, Orbara y Orbaiceta. Las localidaz son chicotas, formatas por tipicas casas pirenencas con paretes de piedra encalatas y tellatos con muita pendient. La ganadería ha perdito la valura d'antis mas, cuan interminables rabanyos de ovellas pasaban las canyatas dica la Ribera Navarra enantes que plegase o hibierno, los ezcuans conservan con celo las artes tradicionals de la elaboración d'un formache con una fama que trasciende las mugas de la Comunidat.
Mugas Muga a lo norte con la Tierra de Cisa (Ultrapuertos), a l'este con la Val de Sarasaz, a lo sud con Urraúl Alto y a l'ueste con la Valle d'Arce, Burguet y Roncesvals.
Parla Lo basco ye representato por la parla local aezkera, y encara la charra la cheneración gran (en los anyos 1950 y 1960, se cheneralizó o emplego de lo castellano en lo mesmo proceso castellanizador que en l'Alto Aragón). Manimenos Sancho lo Fuerte de Navarra concedió fueros a los d'Ezcua en 1229 en un texto escrito en navarro-aragonés.
Vinclos externos Pachina de la Val d'Ezcua
Categoría:Comarcas de Navarra Ezcua Ezcua