A punda dero Faixón (oficialment Punda dero Faixón / Torre de Marboré, en castellano Torre de Marboré u de Gavarnie, en francés Tour du Marboré) ye una tuca d'os Pireneus d'o macizo d'As Tres Serols, situada en una crencha de picos de mas de 3.000 m. que fa de muga entre Espanya (Val d'Ordesa) y Francia (Circo de Gavarnía), estando encluso tanto en l'aragonés Parque Nacional d'Ordesa y d'as Tres Serols como en o francés Parque Nacional d'os Pireneus.
Chunto con a punda dero Corral Ciego, os picos d'o Salto d'augua y o pico Plan de Marmorés forma la paret norte d'o circo de Gavarnía, con 1500 m. de deslivel dende o fondón d'a val y an se troba o mayor salto d'augua d'Europa, o salto d'augua de Gavarnía con 425 m. d'altaria.
Rotas Por a parti aragonesa l'amanamiento en vehíclo se fa dica o tascal d'a val d'Ordesa u dica a val de Buixaruelo, mientres que por a parti francesa se fa dica a estación d'esquí de Gavarnía e Gèdra, que ye a que mas amán nos dexa d'a tuca .
Dende Ordesa se puya primer dica o refuchio de Góriz, (2.190 m., 4 horas y punto crucial ta la exploración de toda a redolada), siguindo dimpués a rota enta la Breca de Rolando dica arribar a la collada entre a punta Faixón y o punda dero Corral Ciego, dende an s'enresta la tuca. Dende Ordesa se puede arribar a lo mesmo punto puyando por o circo de Cotatuero u por o circo de Carriata.
Dende Gavarnía y dende Buixaruelo se'n puya dica o refuchio francés de Sarradets, puyando dimpués a la Breca de Rolando y rodiando enta l'este a versant sud d'a crencha dica arribar a la collada entre a punta Faixón y a punda dero Corral Ciego, dende an s'enresta la tuca.
Vinclos externos En Mendikat
Faixon Faixon Faixon Faixon Faixon Faixón Faixon Faixon Categoría:Montanyas de Sobrarbe Faixon