miniaturadeimagen|Castiello de Buei Negro miniaturadeimagen|Castiello de Buei Negro Lo Castiello de Buei Negro (Castell del Bou Negre u Castell de la Mola en catalán) ye un castiello situau en un mont que bi ha entre los termins d'Archelita y Ludient (Castellón, País Valenciano), a 748 metros d'altaria y controlando un estreito que bi ha en lo río Linars que s'ha de travesar pa acceder dende lo Sud a localidaz de la val como Castiello de Villamalefa, Zucaina y Villafermosa.
Toponimia D'acuerdo con Robert Pocklington los oronimos peninsulars que contienen l'elemento Buei u Boi tienen un orichen en lo latín PODIUM ("pueyo") y la conversión de la P- inicial en b- s'habría produciu por etimolochía popular baixo la influencia de la palabra buei Robert Pocklington: Toponimia ibérica, latina y árabe de la provincia de Albacete. Revista de estudios albacetenses, nº 55, 2010, pp 142-143.. Buei Negro significaría "Pueyo negro" y sería un grau intermedio d'una evolución que ha levau a atros toponimos a presentarse abreviau como "Pui".
Historia Se conoix dende lo sieglo XII y lo suyo orichen ye andalusí. Se sabe por textos medievals que se fació en l'anyo 1178 y que feba parte de lo conchunto de castiellos que mugaban la Diocesi de Tortosa cuan la concesión reyal por parte d'Alifonso II d'Aragón por consagrar-se la nueva Seu de Tortosa.
Se cita en las Cronicas de los Chueces de Teruel, de diferents trazas y datación seguntes las versions:
Era Mª CCª LVIII. Don Cuerpo. Prisieron a Buey Negro. (1218) Anno Mº CC XIX. Don Cuerpo. Fue preso Buey Negro et lo tenian los moros. (1219)
Arquitectura Bi ha una torre de planta rectangular, alzada en robusta piedra de cantería y considerada por bel autor como romana, pus se troboron arredol d'ella restos de ceramica s'ixa epoca.
Lo cinto que bi ha adintro de las estructuras defensivas ye uno de los mes grans de lo País Valenciano, aproveitando los cinglos de la muela con atros tramos a on se fació una muralla pa rodeyar la parte mes alta de lo mont.
Bi ha alchubes y pozos adintro lo cinto, dando mes valura estratechica como enclau on resistir un seche.
Encara que la parte superior de las estruturas ye muito desfeita, i podemos veyer que cuasi por tot i heba almenas y que las torres teneban finestras chicotas u sayeteras abocinadas, en trobamos nomás que los basamentos.
Referencias
Buei Negro