A Mar RoyaDawn E. Prince (ed.). The Aragonese version of Brunetto Latini's Libro del trasoro. Madison, 1995 u Mar Royo (en arabe Bahr el-Ahmar) ye un golfo de l'Oceano Indico situato entre Africa y Asia. A lo sud, a mar Roya se chunta con l'oceano Indico por o estreito de Bab el-Mandeb y o golfo d'Adén. A lo norte se troba a peninsula d'o Sinai, o golfo d'Acaba y o canal de Suez (que permite a comunicación con a Mar Mediterrania). A Mar Roya tien poco mas de 1900 km de largaria, por un amplo maximo de 300 km y una fondura maxima de 2500 m, con una fondura meyana de 500 m. A superficie d'a Mar Roya ye de bels 450.000 km². Ye poblata por mas de 1.000 especies d'invertebratos, 200 especies de corals y 300 especies de tiburons.
As temperaturas d'a superficie son relativament estables, entre 21 y 25 °C. A visibilidat ye prou buena dica os 200 m de fundo pero se pueden devantar a escape aireras fuertes y as corrients se tornan riesgosas.
A creyación d'a Mar Roya se debe a la deseparación d'Africa y a Peninsula Arabica (Asia). O movimiento prencipió fa bels trenta millons d'anyos y contina hue, o que esplica a existencia d'una actividat volcanica en as partis mas fundas d'iste mar.
Os países situatos a o canto d'a Mar Roya son Echipto, Sudán, Eritrea e Chibuti en o veral africano y Israel, Chordania, Arabia Saudita y Yemen en o veral asiatico.
Bellas ciudaz en a costa d'a mar Roya son: Assab, Port Sudan, Port Safaga, Hurghada, Suez, Sharm el-Sheikh, Eilat, Acaba, Dahad, Jedda y Al-Hudaidah.
Toponimia Os griegos deciban a esta mar Eruthra Thalassa (a "Mar Roya") y os romanos lo traducioron como Mare Erythraeum. En aragonés medieval bi ha referencias a la "Mar Roya", por eixemplo en o "Libro d'o Trasoro":
Referencias
Roya Roya Categoría:Cheografía d'Echipto Categoría:Cheografía de Sudán Categoría:Cheografía d'Eritrea Categoría:Cheografía de Chibuti Categoría:Cheografía de Somalia Categoría:Cheografía d'Israel Categoría:Cheografía de Chordania Categoría:Cheografía d'Arabia Saudita Categoría:Cheografía de Yemen