George Montague Nathan, naixito en Irlanda en 1895 y muerto en a batalla de Brunete o 16 de chulio de 1937, estió un politico y militar irlandés, militant d'o IRA (Exercito Republicano Irlandés) y voluntario en l'Exercito britanico en a Primera Guerra Mundial y voluntario tamién en a Guerra Civil espanyola en as Brigatas Internacionals en defensa d'a Segunda Republica Espanyola. Estió miembro d'o Estato Mayor d'a XV Brigata Internacional.
Primera Guerra Mundial En a Primera Guerra Mundial, George Nathan estió voluntario en l'Exercito britanico, combatindo en o Frent Occidental, y estando ascendito enta sarchento mayor. Fue distinguito lo 9 d'abril de 1917Joe Monks, With the Reds in Andalusia, 1985. como o solo oficial chudieu en a Brigata d'a Guardia.Hugh Thomas, The Spanish Civil War, (1961) 1ª ed., pachina 347.
Guerra d'Independencia d'Irlanda Entre 1918 y 1936, as suyas actividaz en a Guerra d'Independencia d'Irlanda son poco conoixitas. Richard Bennet afirma que estió miembro d'o servicio secreto britanico mientres treballaba encubiertament ta l'Exercito Republicano Irlandés (IRA), y que estió lo responsable d'os asesinatos d'o toque de queda en Luimneach en tanto que miembro d'o Rechimiento d'os Black and Tans.Richard Bennett, "Portrait of a Killer", New Statesman, 24 de marzo de 1961, pachinas 471-472. En cualsiquier caso, sí ye conoixita a suya militancia en l'IRA.
Guerra Civil Espanyola L'agüerro de 1936 s'enroló como voluntario en as Brigatas Internacionals en a Guerra Civil espanyola, prenendo-ie lo mando d'a Companyía britanica en a XIV Brigata Internacional (clamata la Marsellaise por a suya composición mayoritaria de franceses).Hugh Thomas, The Spanish Civil War, (2003) pachina 475. Fue nombrato comandant d'o batallón dimpués d'o fusilamiento de Gaston Delasalle acusato d'espionache.Hugh Thomas, The Spanish Civil War, (2003) pàg. 477.
Dimpués mandó lo Batallón Lincoln, o Batallón Washington y lo Batallón Britanico en a XV Brigata Internacional. A suyo valor en combate estió lechendaria; ninviaba a os suyos hombres enta l'ataque mientres les deciba Enta adebant, sinyoras, ta esperonar-los.
A suya solicitut de militancia en o Partiu Comunista fue desestimada, fuese por a suya orientación sexual,Cecil Eby, Comrades and Commissars, (2007) pachina 202. u talment por a suya tibieza ideyolochica.Jason Gurney, Crusade in Spain, (1974) pachina 132. No obstant, os observadors d'a Komintern admiraban a suya frida arrogancia debant o fuego enemigo.
Dimpués estió lo cabo d'Estato Mayor d'a XV Brigata Internacional, y fue mortalment ferito en a batalla de Brunete lo 16 de chulio de 1937.Antony Beevor, Battle for Spain, (2007) pachina 280. Se fació portar enta un campo d'oliveras y demandó a os suyos soldatos que cantasen mientres moriba, en Guadarrama (Madrit.
Bibliografía Antony Beevor, Battle for Spain, (2007). Richard Bennett, "Portrait of a Killer", New Statesman, 24 de marzo de 1961. Cecil Eby, Comrades and Commissars, (2007). Jason Gurney, Crusade in Spain, (1974). Joe Monks, With the Reds in Andalusia, 1985. Hugh Thomas, The Spanish Civil War, (2003).
Vinclos externos Omosessuali nella guerra di Spagna. Brigadistas en a Guerra Civil espanyola.
Notas y referencias
Categoría:Politicos d'Irlanda Categoría:Militars d'Irlanda Categoría:Militars d'o Reino Uniu d'a Primera Guerra Mundial Categoría:Militars d'a Guerra Civil Espanyola Categoría:1895 (naixencias) Categoría:1937 (muertes)