Iste articlo tracta sobre A Marinyosa, que ye una pardina en A Fueva. Ta altros emplegos d'o toponimo «Marinyosa» se veiga Marinyosa (desambigación).
A Marinyosa (/amaɾi'ɲosa/; oficialment, en castellano, La Mariñosa) ye una pardina aragonesa d'o municipio de a Fueva, en a comarca de Sobrarbe y a provincia de Uesca. Actualment se troba deshabitada.
Cheografía
A Marinyosa ye en a baixant oriental d'o sarrato d'a Mula, en un recuesto, por debaixo d'a ermita de a Espelunca, en as garras d'a sierra Ferrera. A suya redolada se conoix con o nombre tradicional de Baixo Penyas.
A pardina d'a Marinyosa formaba partida con o Mediano y con Moliniás, que son os nuclios de población que mas aman tiene, y con a Mula que sinyorea o cerro, y chuntas todas cuatro feban lo que omne conoix como «Fosau Alto», en perteneixendo a l'achuntamiento de Fosau (o lugar mas amanau que tienen) dica que o dito achuntamiento va desapareixer en fusionar-se con o Toledo d'a Nata.
A Marinyosa y as atras pardinas de Fosau Alto estuvon compresas en o municipio de o Toledo d'a Nata dica os anyos 1960. En a dita debantdita decada, quedón absorvidas en o municipio d'a Fueva por a fusión que Toledo d'a Nata y belaltros municipios de a subcomarca natural que ye a Fueva van firmar ta formar-lo.
Toponimia O toponimo Marinyosa ye una evolución d'una denominación latina. L'investigador Manuel Benito Moliner la va relacionar con l'antroponimo latín <*MARINIUS, ''Índice de pueblos del Alto Aragón, el orígen de sus nombres. Por Manuel Benito Moliner. Consultau o 30 de chinero de 2011. a lo que s'habría adhibido una terminación -osa ta marcar a pertinenza historica a lo dito propietario.
D'alcuerdo con isto, «a Marinyosa» sería a evolución en romance d'una hipotetica forma <MARINIOSA*, en querendo decir «a (que ye) de Marinio».
Referencias
Categoría:Despoblaus d'a provincia de Uesca Categoría:Lugars d'a Fueva Categoría:Localidaz d'a diocesi de Balbastro-Monzón en Sobrarbe