A Republica de Yemen ye un estau de Orient meyo, situau a lo sud d'a peninsula de Arabia, rodiau por a mar Arabica, o golfo d'Adén y a mar Roya; entre Omán y Arabia Saudita.
A suya capital ye Sana, estando tamién a ciudat con mayor población d'o país.
Con una superficie de 530.000 kilometros cuadraus y una costa a la raya de 2.000 kilometros, Yemen ye lo segundo estau arabe sobirano mas gran d'a Peninsula Arabica. S'estima que la población d'o país ye de 40,6 millons en 2025.
Mientres o sieglo XIX, o país va estar dividiu entre los imperios otomán y britanico. Dimpués d'a Primera Guerra Mundial, s'establió lo Reino Mutawakkilita de Yemen, que se convertió en a Republica Arabe de Yemen (Yemen d'o Norte) en 1962 dimpués d'un golpe d'estau. Yemen d'o Sud s'independizó en 1967. En 1990, os dos estaus yemenins s'unioron pa formar a moderna Republica de Yemen (al-Jumhūrīyah al-Yamanīyah). Ali Abdullah Saleh estió lo primer president d'a nueva republica dica la suya dimisión en 2012. Laura Etheredge: Saudi Arabia and Yemen, 2011. The Rosen Publishing Group. p. 137. .
Dende 2011 o país ye sumiu en una guerra civil.
Yemen ye un d'os países menos desarrollaus d'o mundo, enfrontina importants obstaclos pa lo desarrollo sustenible y ye un d'os países mas pobres d'a rechión de Orient Meyo y Africa d'o Norte. As Nacions Unidas informoron en 2019 que Yemen teneba lo mayor numero de personas que amenisteban aduya humanitaria, lo que puyaba a uns 24 millons de personas, o que representa cuasi que lo 75 % d'a suya población. En 2020, Yemen ocupó la posición mas alta en l'índex d'estaus fráchils y lo segundo pior en l'índex global d'a fambre, superau nomás que per a Republica Centroafricana. Amás, tien l'índex de desarrollo humano mas baixo de toz os países no africans.
Veyer tamién Yemenins.
Vinclos externos
Referencias
*