Iste articlo ye sobre un estau d'Africa; ta atros usos, se veiga Congo (desambigación).
A Republica d'o Congo, tamién conoixita con os nombre de Congo Brazzaville y Congo, ye un estau d'Africa. Muga a lo norte con Camerún y a Republica Centroafricana, a lo sud y a l'este con a Republica Democratica d'o Congo (Zaire), a l'occident con Gabón y a lo sud-ueste con Cabinda, un enclau angolenyo.
A suya población ye de 3.602.269 habitants (estimación de 2005) en una superficie de 342.000 km², con una densidat de población de 10,5 hab/km².
O sistema politico d'a Republica d'o Congo ye republicano, estando l'actual president Denis Sassou-Nguesso, y l'actual primer ministro Isidore Mvouba. A capital d'o país, dende a suya independencia o 15 d'agosto de 1960 (d'antis mas yera una colonia francesa) ye a ciudat de Brazzaville. O país fa parte d'a Unión Africana, d'a OIF y d'a ONU.
Divisions administrativas A Republica d'o Congo se divide en 12 departamentos, que se subdividen a la vegada en districtos y comunidaz (istas zagueras equivalents alto y baixo a los municipios en Aragón).
Os departamentos d'a Republica d'o Congo son: Bouenza: incluye las localidaz de Boko-Songho, Kayes, Kingoue, Loudima, Mabombo, Madingou (capital), Mfouati, Mouyondzi, Tsiaki y Yamba. Brazzaville (departamento y a la vegada comunidat): incluye los districtos urbanos de Bacongo, Makélékélé, Mfilou, Moungali, Ouenzé, Poto-Poto y Talangaï. Cuvette: incluye las localidaz de Boundji, Loukoléla, Makoua, Mossaka, Ngoko, Ntokou, Owando (capital), Oyo y Tchikapika. Cuvette-Ueste: incluye las localidaz d'Etoumbi, Ewo (capital), Kéllé, Mbama, Mbomo y Okoyo. Kouilou: incluye las localidaz de Hinda, Kakamoeka, Madingo-Kayes, Mvouti, Nzambi y Tchamba Nzassi. Lekoumou: incluye las localidaz de Bambama, Komono, Mayéyé, Sibiti (capital) y Zanaga. Likouala: incluye las localidaz de Betou, Bouaniela, Dongou, Enyellé, Epéna, Impfondo (capital) y Liranga. Niari: incluye las localidaz de Banda, Divenie, Kibangou, Kimongo, Londela-Kayes, Louvakou, Mbinda, Makabana, Moungoundou Nord, Moungoundou Sud, Moutamba, Mayoko, Nyanga y Yaya. Plateaux: incluye las localidaz d'Abala, Allembe, Djambala (capital), Gamboma, Lékana, Makotipoko, Mbon, Mpouya, Ngo, Ollombo y Ongoni. Pointe-Noire (departamento y comunidat). dividiu en seis districtos urbanos. Pool: incluye las localidaz de Boko, Goma Tse-Tse, Igne, Kindamba, Kinkala (capital), Kimba, Louingui, Loumo, Mayama, Mindouli, Mbandza-Ndounga, Ngabe y Vindza. Sangha: A suya capital ye Ouésso y incluye las localitdaz de Mokeko, Ngbala, Pikounda, Sembé y Souanké.
Esportes Republica d'o Congo en os Chuegos Olimpicos 50px en os Chuegos Olimpicos. Categoría principal: :Categoría:Republica d'o Congo en os Chuegos Olimpicos.
Los atletas d'a Republica d'o Congo dica l'anyo 1960 no podioron competir en os Chuegos Olimpicos en no tener Comité Olimpico propio en estar el país ocupau por Francia, que no incorporaba esportistas d'este país baixo la bandera d'o suyo Comité Olimpico. Dende a suya independencia participa en competicions internacional de forma independient y en os Chuegos Olimpicos son representaus per lo Comité Olimpico y Esportivo Congolenyo, que tien en a siede en a suya capital Brazzaville, creau en l'anyo 1964 y miembro d'o Comité Olimpico Internacional dende ixe mesmo anyo. Comité Olimpico y Esportivo Chadiano seguntes lo COI. Participó por primera vegada en os de Tokio 1964, participa habitualment dica hue, con as excepcions d'as edicions de 1968 a on per razons administrativas y d'organización interna, no ninvioron delegación y en os de 1972 en sumar-se a lo boicot, y anque dende alavez participa de forma ininterrumpida encara no ha aconseguiu garra medalla dica l'actualidat (2025).
En los Chuegos Olimpicos d'Hibierno no ha participau en garra edición dica l'actualidat (2025).
Vinclos externos
*