thumb|300px|Caballería de l'exercito suizo. A caballería ye una unidat militar que combate en a batalla amontada a caballo. Iste termin proviene d'o francés cavalerie, a suyo acometida contra l'enemigo se conoixe como carga de caballería. No gosaba emplegar-se ta fuerzas militars que usasen atros animals, como camellos u mulas.
En l'actualidat son muit pocos os exercitos que mantienen fuerzas de combate a caballo y a ormino son nomás utilizadas pa desfiles u celebracions. Tamién frecuentment, en muitos d'éls tradicionalment sigue clamando-se caballería a las fuerzas y unidaz que realizan misions semellants a las de l'antiga caballería, pero fendo uso de vehíclos de motor, vehíclos blindaus u helicopteros.
Historia Las primeras evidencias d'a utilización de caballos las trobamos en cualques civilizacions antigas como Echipto, Mesopotamia u Asiria, que emplegaban prencipalment los caballos como tiro pa carros armaus, dende los cuals s'arrullaban chabalinas u flechas contra l'enemigo dotando a los soldaus d'una gran mobilidat. Posteriorment la selección y cría de razas de caballos mas fuertes permitió l'uso de chinetes armaus en a guerra, y lo carro de guerra fue cayendo en desuso, a lo mesmo tiempo que la infantería desenvolveba tacticas que anulaban la suya efectividad. Tamién estioron utilizaus como forma d'exploración d'o terreno pa situar las fuerzas enemigas u buscar y triar terrenos favorables pa una batalla.
Posteriorment s'empecipia a utilizar ya con unas tacticas especificas como auxilio y emparo d'as fuerzas de infanteria, asinas como pa acazar a l'enemigo en retirada causando-les un gran numero de baixas. Tamién s'empecipia a utilizar la caballeria pesada, dotando a lo caballo y chinete d'una armadura u proteccions pa fer una carga utilizando-los como tropas de choque u asalto.
Se veiga tamién Caballería liuchera. Caballería pesada. Catafracto.
Referencias
Vinclos externos
*