Iste articlo ye sobre un lugar aragonés en a comarca d'a Chacetania; ta atros usos, se veiga Miramont.
Miramont (Miramón en castellano) ye un lugar aragonés en o termin municipal de Sigüés, comarca de Chacetania y partiu chudicial d'Exeya d'os Caballers, en a provincia de Zaragoza.
Cheografía Miramont ye situato en a carretera N-240, en a marguin norte d'o río Aragón, debant de Mians y Artieda.
Etimolochía Miramont significa en aragonés "puesto encarato enta o mont", "puesto dende on se veye bien o mont".
Historia O lugar fue clamato en os primers tiempos d'a Reconquiesta Ologasti, identificato con Oloast, a on os roncaleses redotoron a os musulmans, seguntes Alberto Cañada Juste en a suya obra La campaña musulmana de Pamplona. Año 924 (Pamplona, 1976).(Pérez de Ciriza, 1994:380)
Seguntes Agustín Ubieto Arteta, a primera cita d'o lugar ye en 970/994, seguntes Antonio Ubieto Arteta diz en Cartulario de San Juan de la Peña (Textos medievales 6, Valencia 1962); con as formas Miramón y Miramont. Ubieto Arteta, Agustín: Toponimia aragonesa medieval, Valencia 1972.
En o sieglo XI, o monesterio de Leire pretendió apropiar-se-ne, chunto con Mians, con un documento falsificato. Sindembargo, o monesterio teneba as tercias episcopals.(Pérez de Ciriza, 1994:335)
Bibliografía consultata Fortún Pérez de Ciriza, Luis Javier: Leire, un señorío monástico en Navarra (siglos IX-XIX), Gubierno de Navarra, 1994, Pamplona, 930 pachinas,
Referencias
Categoría:Despoblaus d'a provincia de Zaragoza Categoría:Lugars de Sigüés Categoría:Localidaz d'a diocesi de Chaca en a Chacetania