Cucurbita ye un chenero de plantas dicotiledonias en a familia Cucurbitaceae, que comprende especies caultivadas por as suyas fruitas, simients y flors.
Son plantas de creiximiento anyal, de regular rastreras u enfiladizas, que aduben en as suyas formas bordes a fer diversos metros de lonchitut en o tallo. En o suyo creiximiento, emiten filos que s'embracan con a vechetación adchacent. As fuellas son palmatas, y en cualques especies, son pubescents mesmo que os tallos.
Os eixemplars solen estar dioicos, anque no ye raro de trobar-ne que nomás fan flors d'un solo sexo. As flors son muit grans, y son adaptadas a estar polinizadas por as abelletas d'os cheneros Peponapis y Xenoglossa. Os fruitos son peponides (ixo ye, un fruito d'o tipo baya pero granizo) con midas que varían extremadament d'entre unas especies y atras, arribando a pesar dica diversos kilogramos en Cucurbita maxima (a carbaza). As formas son diversas, largos, cilindricos, esfericos, si fa u no fa bulbosos toz, con colors que bailan d'entre l'amariella clareta dica os verdes mas intensos.
Especies mas cautivadas Cucurbita maxima, a carbaza de rabiquet. Cucurbita pepo, o carbacín. Cucurbita pileocalyx. Cucurbita sphenantha. Cucurbita tristemon.
Relación d'especies d'o chenero C. argyrosperma. C. mixta. C. cordata. C. digitata. C. ecuadorensis. C. ficifolia u carbacera de cabello d'anchel. C. foetidissima. C. lundelliana. C. maxima u carbacera de rabiquet. C. moschata u carbacera cuarantena. C. okeechobeensis. C. palmata. C. pedatifolia. C. pepo u carbacera. C. radicans.
Vinclos externos
*