Pruvia ye una parroquia del conceyu asturianu de Llanera. Ye la más oriental del conceyu, y llenda, amás de coles parroquies de Villardebeyo (N y NO) y Lugo (O), colos conceyos de Xixón y Siero. Tien una estensión Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024. y una población de Nomenclátor del INE: Población del padrón continuo por unidad poblacional. (Institutu Nacional d'Estadística).. Estos viven nos llugares de La Llomba, L'Otero, Pruvia, Pruvia Riba, Remoria, Santolaya y Puga, y tamién na urbanización Soto de Llanera, que s'asitia cerca Santolaya, en terrenos de lo que yeren Paxón y El Cantu los Carneros.
La parroquia ta poblada a lo menos dende'l Neolíticu, como amuesa la estructura tumular atopada n'Ortal. En cuantes al so patrimoniu arquiteutónicu tenemos, como edificios más destacaos, la casona de los Rodríguez de Pruvia y la ilesia parroquial. Esta última, que ta asitiada en Pruvia de Riba y consagrada a Santiago, ye del sieglu XVII y, anque ta remocicada enforma, entá caltién l'escudu de la familia González Candamo. Y en cuantes a la casona, ye de calter rural y formes austeres: d'ente la so decoración esterior namái destaquen les moldures barroques y los escudos d'armes qu'adornen la fachada. Hai, amás, bien d'exemplos de l'arquiteutura tradicional: horros y paneres, cases, molinos (desaniciaos)... Históricamente había, tamién, una venta o mesón en Puga: Xovellanos fala d'ella nos sos diarios, y queda amás el recuerdu toponímicu de la so situación.
Llocalidaes
Sitios
Referencies
Enllaces esternos
Categoría:Parroquies de Llanera