El monumentu a Woody Allen ye una escultura de bronce col mesmu tamañu que l'actor y director d'Estaos Xuníos Woody Allen, asitada na ciudá asturiana d'Uviéu, España.
Descripción La estatua foi diseñada por Vicente Santarúa ya instalada en 2003 siendo l'alcalde Gabino de Lorenzo. El País remarcó que «Paez qu'anda cola cara murnia y la cabeza n'otra parte, non n'Uviéu agora mesmu, anque si te pones al so llau y entablas una conversación con él ye tan realista que paez qu'él te respondería». Allen viaxaba a la ciudá en 2002 pa recoyer el Premiu Príncipe d'Asturies de les Artes. La so película de 2008, Vicky Cristina Barcelona, ambientóse parcialmente ellí.
Frente a la estatua hai una placa cola descripción d'Allen d'Uviéu, que diz en castellanu: «».
Uviéu destaca poles sos estatues, y la ciudá tien más de cien escultures al campu.
Vandalismu y discutiniu Nel so primer añu n'exhibición pública, la estatua foi estrozada dos vegaes, inclusive-y rompieron les gafes n'avientu de 2003. El conceyu dixo en 2008 que los casos regulares de vandalismu significaben que les gafes solo diben a iguase una vegada per añu. Al tornar a la ciudá n'avientu de 2005, Allen bromió diciendo que falaría col alcalde sobro'l vandalismu.
En xineru de 2018, la Organización Feminista d'Asturies pidió que se retirara la estatua, por cuenta de les denuncies d'abusu sexual contra'l so suxetu. Na so autobiografía de 2020 Apropos of nothing, Allen comentó qu'una «alteria impulsada pol odiu» podría baltar la estatua, lo que la crítica d'USA Today, Barbara Vandenburgh, consideró como una «autocompasión quexica».
Referencies
Enllaces esternos
Categoría:Escultures d'Uviéu