Manuae ye un atolón despoblau del grupu meridional de les Islles Cook. Alcuéntrase a 100 kilómetros al sureste de Aitutaki. Componse de dos castros, Manuae y Te Au O La to con un área total de 6 kilómetros cuadraos. Tán en llugares contrapuestos nos cantos de la llaguna interior, que la so estensión ye de 7 kilómetros de llongura por 4 d'anchu. La mayor altitú ye 5 metros sobro el nivel del mar. L'atolón de Manuae atópase sobro el picu d'un volcán submarín que s'alza 4000 metros sobro la plataforma marina.Fideicomiso de conservación Manuae enua Biodiversida y conservación,
Economía y meyores
La isla allugó d'antiguo una industria de copra, con un asentamientu establecíu xunto al pequeñu pasu del petón, a menos d'un kilómetru al nordés de Turakino, el puntu más occidental del atolón. El pasu, a la entrada del mar, tien menos de 4 metros d'anchu y, con aguaxe , resulta desaxeradamente peligrosu si nun se conoz la situación local.
La islla cunta con un aeródromu , una pista d'aterrizaxe de coral cubierta de vexetación, apenes visible, que lleva dellos años ensin utilizase.
Los pescadores de Aitutaki entamen dacuando escursiones a Manuae.
Tien dos motu separaos que sumen más de 500 Hectárees de tierra vegetada, y una gran llaguna prístina de 1.500 ha. Esto fai de Manuae el atolón ensin habitantes más grande de les Islles Cook.
Les Islles formen un parque marín y ye un importante puntu de cría d'aves marines y tortúes. Les agües riberanes son riques en vida marina y una bona zona pesquera. Distintes axencies turístiques ufierten visites a estes islles.
El británicu James Cook foi el primer européu n'afayar les islles en septiembre de 1773. Ello ye que Maunae foi la primer islla que s'afayó del archipiélagu de les Islles Cook. El primer nome que recibieron del so descubridor foi Islla Sandwich, pero llueu camudose a islla Hervey. Nome qu'adulces pasó a usase col genetivu saxón (Hervey's). Ello ye que esti nome foi usáu para llamar al grupu meridional de les Islles Cook hasta que los rusos volvieron a denomínala col nome del so descubridor.
El noruegu Erlend Apondere na so obra "L" rellata con humor uno espedición a Manuae en 1999.
Referencies
Enllaces esternos
Manuae web oficial
Categoría:Islles Cook