Inés Rodríguez Fernández foi una profesora asturiana. Foi afusilada en 1937, depués de la cayida del gobiernu republicanu n'Asturies.
Biografía En 1936, al entamu de la Guerra Civil española, Inés Rodríguez tenía 23 años, yera maestra y funcionaria pública, miembru de l'Asociación de trabayadores de la enseñanza (UXT) y formárase nel plan profesional de 1931, colos nuevos idearios pedagóxicos de la Segunda República. Nesi periodu, taba faciendo cursos de perfeccionamientu y collaboraba na recoyida d'ayudes pa entamar un orfanatu pa los fíos de los republicanos caíos.
La ofensiva d'Asturies poles exércitu franquista entamó'l 1 de setiembre de 1937 y, el 21 d'aquel mes, cola cayida de Xixón y Avilés, completóse la decisiva victoria de los alzaos, dando pasu a una represión durísima contra los vencíos. Inés Fernández foi detenida cuando foi a la cárcel de La Pola Somiedo pa protestar pola detención de la so compañera Gabriela Lana y nun volvió a casa. Acusada de pertenencia al sindicatu y d'haber paseáu pela cai Uría con una insignia roxa, foi fusilada ensin xuiciu, con otros cinco homes, nel puertu de Somiedo, siendo una de los casi 700 maestros republicanos, víctimes de dalguna manera de la represión franquista n'Asturies. Los sos restos tán enterraos na fosa común 278/2009 de Somiedo.
Referencies
Enllaces esternos
Categoría:Profesores d'Asturies Categoría:Persones de Somiedo