El ríu Valdesamariu () ye un afluente del ríu Oumaña, na provincia de Llión. Perteneciente a la cuenca hidrográfica del Douru (Duero).
Xeografía El ríu Valdesamariu naz na Sierra Xistréu. Flúi pol valle del so mesmu nome escontra l'Este, pasando poles localidaes de Muries de Ponjos, Ponjos, Valdesamariu, La Velilla y Castru (en Valdesamariu); desagua nel Oumaña na La Garandilla. Pol so llargor, ye l'afluente más importante del Oumaña, pero el so caudal ta bien menguáu desque construyóse una presa en Muries de Ponjos pa esviar parte de les sos agües al banzáu de Villameca en la Cepeda. Ente los sos afluentes destaquen los regueros LLerosu, Soses, Candanéu y Cubiellu, que baxen de la Sierra de la Xalsa, al sur de la Llomba de Campestéu.
Na cabecera del valle repara el procesu xeolóxicu de captura fluvial pola cuenca del Sil común a tola zona estremera ente les cuencas del Miño y del Douru; nesti casu, parte de la cabecera del Valdesamariu foi prindada pel ríu Tremor; esti fenómenu ye l'orixe del «valle muertu» al oeste de Muries de Ponjos.
Ecoloxía La esplotación de carbón a cielu abiertu nes cercaníes de Muries nos años 1970 causó grandes daños ecolóxicos al ríu. A partir del zarru de les mines el ríu recuperóse y volvió a ser posible la pesca nes sos agües, anque los cambeos sópitos de calce y l'escasu caudal arramáu al ríu mientre el branu por causa del tresvase al banzáu de Villameca son perxudiciales pa les truches. Déxase la captura y suelta mientres unos cuatro meses al añu, d'abril a xunetu.
Referencies
Bibliografía
Enllaces esternos
Categoría:Ríos de Castiella y Lleón Categoría:Xeografía de la provincia de Lleón