Carlo Antonio Bianchi , conocíu tamién como Bianchetti, foi un pintor italianu.
Biografía Formáu na escuela barroca romana, supo combinar la influencia d'esa corriente cola pintura lombarda de formes más elegantes, hasta dir tendiendo a la moda neoclásica. Les escases noticies sobre la so vida refiérense namái a les sos participaciones nes xuntes de la cofradía de la Santísima Trinidá na ilesia de San Luca en Pavía, a la qu'asistió de manera intermitente ente 1735 y 1774.
Artísticamente entamó na botica de Giuseppe Crastona y, más tarde, foi activu de manera continua al serviciu de la familia del marqués Luigi Botta Adorno, que, ente otres coses, encargó-y siguir la formación artística de Felice Giani, pa quien escribió en 1778 una especie de testamentu artísticu (anguaño calteníu dafechu na biblioteca municipal de Forlì). En 1784, el pintor, yá con 70 años, fizo un remocique de les tapiceríes del castiellu de Branduzzo (cartes de Luigi Botta Adorno al so fíu). Otros documentos señálenlu como parte del equipu d'artistes y artesanos que collaboraben col arquiteutu Lorenzo Cassani, durante la construcción d'ilesies y palacios pa la familia Olevano nos sos feudos en Lomellina, demostrando tamién el vínculu con esta familia que, como los Botta Adorno, teníen en Pavia'l palaciu de ciudá.
Referencies
Enllaces esternos
Categoría:Pintores d'Italia