Mª Isabel Valdés-Solís Cecchini ye una notaria española. Foi la primer muyer en convertise en decana del Colexu Notarial d'Asturies.
Biografía Perteneciente a una familia venceyada col Derechu, estudió esa carrera y, desque terminó en 1979, empezó a preparar les oposiciones. Aprobó la oposición en 1983, con 26 años, siendo el númberu 12 de la so promoción. Foi una de les primeres notaries n'Asturies, llugar d'orixe tamién de la que foi la primer muyer notaria d'España, Consuelo Mendizábal Álvarez, entá n'activu cuando Valdés-Solís empezó la so carrera.
Los sos primeros destinos fueron Castropol y Llanes. Darréu treslladóse al País Vascu para exercer en Basauri, y tornó a la so rexón trabando en Llangréu, Mieres, Avilés y, definitivamente, Uviéu.
En 2018 foi escoyida decana del Colexu Notarial d'Asturies, reelexida nel añu 2020 y de nuevu nel 2024, siendo la primer muyer n'ostentar esti cargu na institución asturiana. Mientres el so mandatu, en 2022, robló un conveniu cola Universidá d'Uviéu para establecer una Cátedra Notarial, iniciativa que tenía como oxetivu fomentar la formación especializada en derechu notarial ente quien rematen los sos estudios na Facultá de Derechu de la Universidá d'Uviéu.
Reconocencies En 2023 entró na Real Academia Asturiana de Xurisprudencia con un discursu sobro los efectos de la llei 8/2021 de 2 de xunu, pola que se reformó la lexislación civil y procesal pal sofitu a les persones con discapacidá nel exerciciu de la so capacidá xurídica, dende la perspectiva del notariado. Como académica numeraria de la institución, ostenta la Medaya XXVIII bis.
Referencies
Enllaces esternos Entrevista a MªIsabel Valdés-Solís Cecchini nel periódicu La Nueva España.
Categoría:Persones d'Uviéu