Rachel Agatha Keen , conocida artísticamente como Raye o RAYE, ye una cantante y compositora británica. Tres dellos años componiendo pa otros artistes y publicando sencillos y EP, consiguió un ésitu internacional col álbum independiente My 21st Century Blues (2023) y la canción «Escapism.».«Meet The First-Time GRAMMY Nominee: RAYE». Grammy.com, 30 de xineru de 2025.
Biografía Raye crióse nel sur de Londres y estudió na BRIT School. Empezó a escribir música profesionalmente siendo adolescente y consiguió'l so primer contratu editorial a los 16 años. En 2014 firmó con Polydor Records, compañía cola que publicó distintos EP y collaboraciones, especialmente dientro de la música electrónica y el pop.
Al mesmu tiempu desenvolvió una carrera como compositora pa otros intérpretes. Participó na escritura de canciones pa artistes como Beyoncé, Little Mix, Ellie Goulding, John Legend y Charli XCX. La so carrera como cantante incluyó colaboraciones con productores como Jax Jones, David Guetta y Martin Solveig.«Meet The First-Time GRAMMY Nominee: RAYE». Grammy.com.
En 2021 fizo público'l so desalcuerdu con Polydor pola falta d'autorización pa publicar un álbum y acabó abandonando'l sellu. Como artista independiente publicó en 2022 «Escapism.», xunto con 070 Shake, canción que llegó al númberu unu de la llista británica. En 2023 editó'l so primer álbum, My 21st Century Blues.
Nos Brit Awards de 2024 convirtióse na artista con más premios ganaos nuna mesma edición de la historia del certame, con seis galardones, ente ellos artista británica, álbum y canción del añu.«Meet The First-Time GRAMMY Nominee: RAYE». Grammy.com. En 2025 consiguió les sos primeres nominaciones a los Grammy, ente elles meyor artista nueva y compositora del añu.
Discografía Álbumes d'estudiu My 21st Century Blues (2023)
EP Welcome to the Winter (2014) Second (2016) Side Tape (2018) Euphoric Sad Songs (2020)
Referencies
Enllaces esternos
Web oficial
Categoría:Cantantes d'Inglaterra Categoría:Compositores d'Inglaterra Categoría:Cantantes de pop Categoría:Nacíos en 1997 Categoría:Nacíos en Londres