Mikaela Madison Rosberg , conocida profesionalmente como Mikey Madison, ye una actriz d'Estaos Xuníos. Ye conocida polos sos papeles na serie Better Things y nes películes Once Upon a Time in Hollywood, Scream y Anora. Por esta última ganó'l Premiu Óscar a la meyor actriz en 2025.«The 97th Academy Awards», Academy of Motion Picture Arts and Sciences.
Biografía Madison nació y crióse en Los Angeles, California. De moza practicó equitación competitiva y empezó a interesase pola interpretación mientres l'adolescencia. Los sos primeros trabayos incluyeron curtiumetraxes y producciones independientes antes de conseguir un papel estable en televisión.
En 2016 empezó a interpretar a Max Fox na serie Better Things, creada por Pamela Adlon, papel que mantuvo hasta'l final de la producción en 2022. La serie dio-y una primer reconocencia profesional y permitió-y compaginar televisión y cine.
En 2019 interpretó a Susan «Sadie» Atkins en Once Upon a Time in Hollywood, de Quentin Tarantino. Tres otros papeles, en 2022 interpretó a Amber Freeman en Scream, quinta película de la franquicia homónima.
En 2024 protagonizó Anora, escrita y dirixida por Sean Baker, interpretando a Ani, una bailarina sexual de Brooklyn que se casa col fíu d'un oligarca rusu. La película ganó la Palma d'Oru nel Festival de Cannes y cinco premios Óscar. Madison recibió'l Óscar a la meyor actriz pola so interpretación, amás d'otros reconocimientos de la temporada cinematográfica.
Filmografía escoyida Cine Liza, Liza, Skies Are Grey (2017) Once Upon a Time in Hollywood (2019) Scream (2022) Anora (2024)
Televisión Better Things (2016-2022)
Referencies
Enllaces esternos
Categoría:Actores de cine d'Estaos Xuníos Categoría:Actores de televisión d'Estaos Xuníos Categoría:Ganadores del Premiu Óscar a la meyor actriz Categoría:Nacíos en Los Angeles