Hercule Poirot ye un personaxe ficticiu creáu pola escritora británica Agatha Christie. Ye un detective priváu belxicanu y protagoniza decenes de noveles y rellatos de misteriu. Debutó en The Mysterious Affair at Styles, publicada en 1920.
Poirot ye un antiguu policía belxicanu que vive nel Reinu Xuníu. Carauterízase pola minuciosidá, el gustu pol orde, un cuidáu bigote y la confianza nos que denomina les «pequeñes célules grises» pa resolver los casos pel razonamientu.
Ente les obres más conocíes protagonizaes pol personaxe tán The Murder of Roger Ackroyd, Murder on the Orient Express, Death on the Nile y Five Little Pigs. El so últimu casu cronolóxicu ye Curtain, escrita décades primero de la so publicación en 1975.
Poirot foi interpretáu nel cine y la televisión por actores como Albert Finney, Peter Ustinov, David Suchet y Kenneth Branagh. Suchet interpretó'l personaxe durante 24 años na serie británica Agatha Christie's Poirot.
Referencies
Enllaces esternos
Categoría:Detectives ficticios Categoría:Personaxes de lliteratura