Honesto Batalón foi un empresariu, indianu y filantropu asturianu.
Biografìa De mozu emigró a Cuba, como tantos otros asturianos de la so época, y ellí consiguió facer fortuna. Cola vuelta a Asturias, decidió destinar parte de los sos recursos a una obra de carácter social y educativu.
Nel so testamentu, otorgáu’l 12 d’avientu de 1933, Honesto Batalón dispunxo la creación d’una escuela y una casa pa la maestra nel barriu de Cimavilla, en Xixón. La so intención yera que na escuela pudieren recibir educación trenta neñes probes de la parroquia de San Pedro. D’esta manera, la so fortuna convirtióse nun mediu pa favorecer l’educación y les oportunidaes de les families con menos recursos.
Tres la so muerte, los albacees del testamentu solicitaron al Ayuntamientu de Xixón los terrenos necesarios pa llevar alantre’l proyectu. L’edificiu foi diseñáu pol arquitectu José Avelino Díaz Fernández-Omaña en 1934 y terminóse en 1935. La construcción, de formes curves y llinies horizontales, ye considerada un exemplu destacáu del racionalismu arquitectónicu n’Asturies.
Honesto Batalón morrió en Xixón en 1933, a los 83 años. La fundación que lleva’l so nome siguió vinculada a la educación y, col pasu del tiempu, l’edificiu convirtióse nel actual Colexu Públicu Honesto Batalón, nel barriu de Cimavilla.
Referencies
Enllaces esternos
Fundación Batalón Enciclopedia Asturiana
Categoría:Empresarios y empresaries d'Asturies Categoría:Persones de Cuideiru