Discman foi una marca utilizada por Sony pa los sos reproductores de discu compactu portátiles. El primer modelu, el D-50 —denomináu D-5 en dellos mercaos—, salió a la venta en 1984.
El D-50 foi desarrolláu a partir de la miniaturización de la teunoloxía emplegada nel Sony CDP-101, el primer reproductor comercial de discu compactu de Sony. El dispositivu permitió utilizar discos compactos como formatu portátil, siguiendo'l mercáu que la propia Sony abriera col Walkman pa les cintas de casete.
Sony comercializó posteriormente numerosos modelos Discman con distintes funciones, incluyendo protección frente a saltos durante'l movimientu, bateríes recargables y compatibilidá con distintos tipos de discos.
A finales de la década de 1990 Sony empezó a utilizar la denominación CD Walkman y nel añu 2000 abandonó completamente la marca Discman. Los reproductores portátiles de CD perdieron progresivamente presencia comercial cola expansión de los reproductores d'audiu dixital.
Referencies
Enllaces esternos Historia corporativa de Sony
Categoría:Reproductores d'audiu portátiles Categoría:Sony Categoría:Discu compactu