Blancpain SA ye una empresa reloxera suiza especializada na fabricación de reloxes mecánicos d'alta gama. Foi fundada en 1735 por Jehan-Jacques Blancpain en Villeret, nel cantón de Berna, y forma parte de The Swatch Group. La compañía presenta la so marca como la marca reloxera más antigua del mundu entá n'actividá.
La historia de la manufactura empezó cuando Jehan-Jacques Blancpain rexistró la so actividá como relixeru en Villeret. La empresa permaneció vinculada a la familia Blancpain durante más de dos sieglos y especializóse na reloxería mecánica, incluyendo movimientos con distintes complicaciones.
Ún de los modelos más conocíos de Blancpain ye'l Fifty Fathoms, un reló de bucéu presentáu en 1953 y desarrolláu pensando nel usu de buceadores profesionales y militares. La marca produz tamién calendarios perpetuos, repetidores de minutos, cronógrafos y reloxes con tourbillon.
Blancpain pasó a formar parte del actual Swatch Group en 1992. La manufactura tien actividá principalmente en Le Brassus, nel cantón de Vaud, y centra la so producción na reloxería mecánica.
Referencies
Enllaces esternos Sitio web oficial
Categoría:Empreses reloxeres de Suiza Categoría:Empreses fundaes en 1735 Categoría:The Swatch Group