Jaquet-Droz ye una marca suiza de reloxería d'alta gama que toma'l nome del reloxeru Pierre Jaquet-Droz. Les sos raíces remóntense al taller que Jaquet-Droz abrió en La Chaux-de-Fonds en 1738, y forma parte de The Swatch Group.
Pierre Jaquet-Droz fabricó inicialmente reloxes de pie y mecanismos complexos que combinaben reloxería, música y autómates. En 1758 viaxó a Madrid pa presentar seis pieces mecániques a la corte de Fernando VI d'España, onde consiguió vender la colección.
La familia y los sos collaboradores desarrollaron autómates especialmente sofisticaos. En 1774 presentaron en La Chaux-de-Fonds L'Escritor, El Dibuxante y La Música, tres mecanismos antropomorfos capaces de realizar acciones programaes y que se conserven nel Musée d'Art et d'Histoire de Neuchâtel.
La marca Jaquet-Droz foi recuperada nel sieglu XX y adquirida por The Swatch Group en 2000. La producción contemporánea combina reloxería mecánica, decoración artesanal y autómates.
Referencies
Enllaces esternos Sitiu web oficial
Categoría:Empreses reloxeres de Suiza Categoría:Autómates Categoría:The Swatch Group