Tissot ye una empresa suiza fabricante de reloxes fundada en Le Locle, nel cantón de Neuchâtel, en 1853 por Charles-Félicien Tissot y el so fíu Charles-Émile Tissot. Forma parte de The Swatch Group.
La compañía empezó produciendo reloxes de bolsu y desarrolló tempranamente una rede comercial internacional. Charles-Émile Tissot viaxó a distintos mercaos europeos y americanos pa vender los productos de la empresa, que tuvo una presencia especialmente significativa nel Imperiu rusu.
Tissot desenvolvió a lo llargo de la so historia distintos tipos de reloxes mecánicos y electrónicos. En 1930, Tissot y Omega crearon SSIH (Société Suisse pour l'Industrie Horlogère), un grupu destináu a coordinar la producción y comercialización de les dos compañíes.
SSIH fusionóse en 1983 con ASUAG nel contestu de la crisis del cuarzu. La empresa resultante evolucionó a SMH y posteriormente a The Swatch Group, del que Tissot sigue formando parte.
La marca participa tamién nel cronometraxe deportivu y ye cronometrista oficial de competiciones como la NBA, el Tour de Francia y el MotoGP.
Referencies
Enllaces esternos Sitio web oficial
Categoría:Empreses reloxeres de Suiza Categoría:Empreses fundaes en 1853 Categoría:The Swatch Group