Ray-Ban Wayfarer ye un modelu de gafes de sol de la marca Ray-Ban, diseñáu en 1952 pol diseñador ópticu d'Estaos Xuníos Raymond Stegeman pa Bausch & Lomb, propietaria de la marca naquel momentu.
El modelu carauterízase pola montura gruesa de plásticu y una forma trapezoidal que se diferenciaba de les montures metáliques predominantes na época. El diseñu foi posible pol desenvolvimientu de nueves téuniques de moldeáu de plásticos.
Les Wayfarer algamaron gran popularidá nes décades de 1950 y 1960 y aparecieron asociaes a músicos y actores como Buddy Holly y Roy Orbison. Tres una caída de ventes na década de 1970, recuperaron presencia comercial nos años 1980 mediante la so aparición en películes, televisión y videoclips.
En 1999, Bausch & Lomb vendió Ray-Ban al grupu italianu Luxottica, que continuó la fabricación de Wayfarer y introduxo nueves variantes del modelu.
Referencies
Enllaces esternos
Categoría:Gafes de sol Categoría:Moda d'Estaos Xuníos