Canon AE-1 ye una cámara réflex de película de 35 mm fabricada pola empresa xaponesa Canon ente 1976 y 1984. Presentóse n'abril de 1976 y foi una de les primeres cámares fotográfiques de gran producción controlaes electrónicamente por un microprocesador.
La AE-1 utiliza la montura d'oxetivos Canon FD y un obturador de planu focal con velocidaes ente dos segundos y 1/1000 de segundu. Incorporaba esposición automática con prioridá a la velocidá del obturador.
Canon diseñó la cámara utilizando cinco unidaes principales y 25 subconxuntos controlaos centralmente por un microordenador. La incorporación de componentes electrónicos permitió reducir'l númberu total de pieces y automatizar bona parte de la fabricación.
La combinación de preciu relativamente accesible, automatización y facilidá d'usu convirtió la AE-1 nún de los mayores ésitos comerciales de Canon y nún de los modelos más representaivos de la fotografía réflex de la década de 1970.
Referencies
Enllaces esternos
Categoría:Cámares Canon Categoría:Cámares réflex Categoría:Productos introducíos en 1976