Maleficent ye un personaxe ficticiu de The Walt Disney Company, conocíu principalmente como l'antagonista de la película d'animación Sleeping Beauty, estrenada en 1959. El personaxe ta basáu na fada malvada del cuentu La Bella Durmiente y foi diseñáu pa Disney por Marc Davis. Na versión orixinal de la película, la voz foi interpretada por Eleanor Audley.Sleeping Beauty (film), D23.
Na película, Maleficent enfádase al nun ser convidada a la celebración pol nacimientu de la princesa Aurora y condena a la neña a pinchase'l deu col fusu d'una rueca antes del so decimosestu cumpleaños. El personaxe utiliza maxa, controla distintos sirvientes y ye capaz de tresformase nun enorme dragón.Sleeping Beauty, Disney.
Maleficent convirtióse posteriormente nuna de les principales integrantes del conxuntu de villanos de Disney y apaeció en series de televisión, videoxuegos y otres producciones. Ente les sos apariciones destaca la serie de videoxuegos Kingdom Hearts, onde tien un papel recurrente como antagonista y collaboradora de distintos villanos.Disney Villains: Maleficent, Disney Parks Blog.
Una reinterpretación del personaxe protagoniza la película d'imaxe real Maleficent (2014), na que foi interpretada por Angelina Jolie. Esta versión presenta la historia dende'l puntu de vista de Maleficent y modifica la so relación con Aurora. Jolie volvió interpretar al personaxe na continuación Maleficent: Mistress of Evil (2019).Maleficent, Disney.
Referencies
Enllaces esternos
Categoría:Personaxes de Disney Categoría:Villanos de Disney Categoría:Fades de ficción Categoría:Personaxes de cine Categoría:Personaxes creaos en 1959